Read Paite Chin SOLOMON LATE 8 Bible Online

SOLOMON LATE 8 - Paite Chin bible

SOLOMON LATE 8

¹Aw ka nu nawi ne, ka unaupa bang hile chin maw! Pawlam a k’on muh leh, k’on tawp ding; Ahi, kuamah in a hon musit kei ding uh.

²Nang k’on pi ding a, ka nu inn sung ah k’on lalut ding a, aman kei a honhilh ding; uain namtui k’on dawnsak ding a, ka theibuhfai tuining.

³A khut veilam ka lu nuai ah a om ding a, a khut taklam in a honkawi ding hi.

⁴K’on ngen hi, Aw Jerusalem tanute, Ka it, hihbuai kei unla, phawng kei un, a lungkim matan.

⁵Gamdai a kipan a hongtou hiai a ngaihnou tung a kingai kua ahia? Apple sing nuai ah ka hon phawng a: huai ah na nun nang a honvei a, huai ah nang hon piangsak amah nauvei in a om hi.

⁶Na lungtang a suai bang in, na ban a suai bang in kei honkoih in: itna lah sihna bang in a hat ngal a; han bang in a gilou a: huai a kuangte meikuang TOUPA meikuang bang ahi uhi.

⁷Tui tampi in itna a phelh theikei a, tuikhangte’n a tum thei kei hi: itna ziak in min a inn a vante pe ding hita leh, nakpitak a muhsit in a om ding hi.

⁸Sanggamnu neu ka nei ua, nawi a neikei: A tungtang kigen ni’n ka sanggamnu uh a ding in bang ka hih ding ua?

⁹Kulhbang hi leh bel, amah tung ah dangka insang neu khat ka lam ding ua: kongkhak hita leh, amah sidar singpek in ka sungkhum ding uh.

¹⁰Kulhbang ka hi a, ka nawite huai a insang bang ahi uh: huchihlai in mi muanna musa bang in a mit ah ka om hi.

¹¹Baal Hamon ah Solomon in grephuan a nei hi; kemmite kiang ah grephuan a khelsak a; huai a a gah ading in michih in dangka sang khat ngen a hontawi ding uh ahi.

¹²Grephuan, kei a ahi a, ka ma ah a om: Aw Solomon, nang, sang na nei ding a, huai a theigah kemte’n za nih.

¹³Nang huante sung a teng, na kithuahpihte’n na aw a ngai ua, huai hon za sak in.

¹⁴Kinmeng in, ka ngaihnou, gimlim mualtung a zuktal hiam sakhi tuailai hiam bang in om in.