Read Paite Chin ISAI 12 Bible Online

ISAI 12 - Paite Chin bible

ISAI 12

¹Huai ni chiang in hichibang in na chi ding hi, "TOUPA aw, kipahthu k’on hilh hi; ka tung ah na hehta mahle chin, na hehna lah a daita, nang hon khamuanta neive.

²Ngai in, Pathian hon hondampa ahi a; ka gingta ding a, lau in ka omkei ding; TOUPA Jehovah ka hatna leh ka la ahi, hon hondampa ahi," chi in.

³Huaiziak in hotdamna tuikhuk a pan nuam in tui na tawi ding uh.

⁴Huai ni’n huchi in na chi ding. "TOUPA kiang ah kipahthu hilh unla, a min lou un, a thilhihte michih lak ah theisak unla, a min pahtawi in a om chih gen un.

⁵TOUPA pahtawi in lasa un; aman thil hoihpente a hihta hi; huai leitung ah theih in om hen.

⁶Zion a omte aw, ngaihtak in kikou unla, kikou vengvung un, Israelte Mi Siangthou na lak ua om lah a thupi ngal a," chi in.