Read Paite Chin ISAI 20 Bible Online

ISAI 20 - Paite Chin bible

ISAI 20

¹Assuria kumpipa Sargon sawl Tartan Ashdod khua ah a hong a, Ashdod khua a sual a, a lak kum in;

²TOUPA’N Amoz tapa Isai kam in, “Kuan inla, na kawng a saiip puan phel inla, na khe a na khedap koih in” chi in, a gen hi. Huchi in, huchibang in a hih a, vuaktang leh khevuak in a paipai hi.

³Huan, TOUPA’N, “Ka sikha Isai Aiguptate tung ah leh Ethiopiate tung ah chiamtehna leh thillamdang ding a kum thum sung a vuaktang leh khevuak a a pai bang in,

⁴Assuria kumpipa’n Aigupta matte leh Ethiopia salte, a neu a lian in, vuaktang leh khevuak in leh taw dawk in Aiguptate zahlakna ding in a pimang ding.

⁵Huchi in, a lamet pen uh Ethiopiate leh a thupina pen uh Aiguptate ziak in mangbang tak leh zahlaktak in a omta ding uhi.

⁶Huchi in, huai ni chiang in hiai tuipi gei a mi in, ‘Ngai in, i lamet pen, Assuria kumpipa lak a hon humbit ding a, a hon panpihpa ding a i taina ulah hichi ahita a eite bangchi’n i suakta ding ua? a chi ding uh,’ ” a chi hi.