Read Paite Chin ISAI 4 Bible Online

ISAI 4 - Paite Chin bible

ISAI 4

¹Huai ni’n numei sagih in pasal khat a len ding ua, “Koumau an ka ne ding ua, koumau silhlehten ka silh un ka teng ding uh; na min lel hon pusak in; ka minsia uh hon lakmangsak in” chi in, a gen ding uhi.

²Huai ni’n TOUPA hiang kilawmtakin leh thupitak in a om ding a, Israelte damlaite ading in lei a gahte hoihtak leh kilawmtakin a om ding.

³Huchi in, Zion nutsiat a om leh, Jerusalem a omden tuh siangthou chih in a om ding, michih Jerusalem a damlai a min gelhte.

⁴Vaihawmna kha leh katna kha a TOUPA’N Zion tanu buahte a sawpsiangsak a, asung a kipan Jerusalem sisan a suksiang khit chiang in.

⁵Huan, TOUPA’N Zion tang a omna tengteng tung ah leh a kikhawmpite tung ah sun in mei leh meikhu, zan in meikuang vak a bawlsak ding; thupina tengteng tung ah banghiam zak a om ding ahi ngal a.

⁶Sun in nisa liah ding leh huihpi vuahpi lak a kihumbitna leh bukna mun ding in bawkta ahi ding hi.