Read Paite Chin LEVITIKAS 14 Bible Online

LEVITIKAS 14 - Paite Chin bible

LEVITIKAS 14

²Hiai phak siansak ni a hihdan ding ahi. siampu kiang a pi ding ahi.

³Huchi in siampu giahphual pua ah a paikhe dia; siampu in a en dia, ngai dih, phakmi pen a phakna hi a dam leh

⁴Siampu in a kisiangsak ding mi vasa hing siang nih, sidar sing, khauzang san leh hussop tawisak ding in thu a pe ding hi.

⁵Siampu in vasa khat pen leibel ah luitui tung ah goh ding in thu a pe ding hi.

⁶Vasa hing pen a la dia, sidar sing, khauzang san, hussop toh luitui luang tung a gohsa vasa sisan ah a diahvek ding hi.

⁷Phakna apan a kisiangsak ding mi sagihvei a theh dia, a siang chih a phuang ding, huchi in vasa hing pen gamlak ah a khah ding hi.

⁸A kisiangsak ding mi’n a puante a sawp dia, a kimetmai vek dia, a kisil ding ahi. Huchi in a hong siang dia, huaikhit chiang in giahphual ah a hoh dia, himahleh a puanin pua ah ni sagih a omlai ding hi.

⁹Hichi ahi ding a, a ni sagih ni’n a lu a sam tengteng leh a khamul leh a mitkhu multe a metmai dia, a mul tengteng a metmai ding hi. A puante a sawp in a kisil dia, huchi in a hong siangta ding hi.

¹⁰A ni giat ni’n belamnoupa nih gensiatbei leh belamnounu khat gensiatbei, kum khat a upa leh tangbuang thillat ding in tangbuang nel mahmah ephah mun sawm a khen, mun thum sathau a mek leh sathau thawl khat a tawi ding ahi.

¹¹A siangsakpa siampu in kisiangsak ding mi leh huai thilte Kihoupihna puanin kongpi bul ah TOUPA ma ah a koih ding hi.

¹²Siampu in belamnoupa khat pen sathau log khat toh a la dia, tatlek thoihna ding in a lan dia, TOUPA ma a vei thillat ding in a vei ding hi.

¹³Khelh thoihna leh haltum thillat a goh zelna mun uh, Mun Siangthou ah belamnoupa pen a gou dia, khelh thoihna siampu a tuam ahihbangin tatlek thoihna leng siampu a tuam ahi; hiai thil siangthou pen ahi.

¹⁴Siampu in tatlek thoihna sisan a la dia, kisiangsak ding mi bil taklam mongte, a khut taklam khutpite, a taklam khepite siampu in a nuh ding hi.

¹⁵Sathau log khat pen siampu in a la dia, amah khutpek veilam ah asung ding hi.

¹⁶Siampu in a khut veilam a sathau ah a khut taklam zung a diah ding a, TOUPA ma ah a khutzung in sathau sagihvei a theh ding.

¹⁷A khut a sathau omlai teng in kisiangsak ding mi bil taklam dawn, a khut taklam khutpi leh a khe taklam khepi ah tatlekna kithoihna sisan tung ah a nuh ding hi.

¹⁸Siampu in a khut a omlai teng in kisiangsak ding mi lu a nuh dia; huchi in siampu in TOUPA ma ah kilemna a bawlsak ding ahi.

¹⁹Siampu in khelh thoihna a lan dia, a sianlouhna apan kisiang sak ding mipen kilemna a bawlsak dia; huaikhit in haltum thillat a gou ding hi.

²⁰Siampu in haltum thillat leh tangbuang thillat maitam ah a lat ding a siam a, siampu in kilemna a bawlsak ding a, huchi in a hongsiang ding hi.

²¹Mizawng a hih a, hiaite a neihzoh kei leh, belamnoupa khat tatlek thoihna, kilemna bawl sakna dia vei ding leh tangbuang thillat dia tangbuang nel mahmah ephah mun sawm a khen, mun khat, sathau a zut, sathau log khat toh a tawi ding ahi.

²²Vakhu kop khat hiam, vapal nou kop khat hiam, a neihzoh lamlam; khat khelh thoihna ding, khat pen haltum thillat ding ahi ding hi.

²³A ni giat ni’n a kisiansakna ding in siampu kiang ah Kihoupihna puanin kongpi bul ah TOUPA ma ah a hontawi ding ahi.

²⁴Huchi in siampu in tatlek thoihna belamnou leh sathau log khat a la dia, vei thillat ding in TOUPA ma ah siampu in a vei ding ahi.

²⁵Tatlek thoihna belamnou pen a gou dia; siampu in tatlek thoihna sisan a la dia, kisiangsak ding mi bil taklam dawn, a khut taklam khutpi leh a khe taklam khepi a nuh ding hi.

²⁶Siampu in sathau amah khutpek veilam ah asung ding ahi.

²⁷Siampu in a khut veilam a sathau khenkhat a khut taklam in TOUPA ma ah sagihvei a theh ding ahi.

²⁸Siampu in a khut a sathau in kisiangsak ding mi bil taklam dawn, a khut taklam khutpi, a khe taklam khepi leh tatlek kithoihna sisan tungtak ah a nuh ding hi.

²⁹Siampu in a khut a sathau om laiteng in TOUPA ma a kilemna bawlsak ding in kisiangsak ding mi lu a nuh ding hi.

³⁰Vakhu hiam, vapal nou hiam, a neihzoh lamlam khat a lan dia;

³¹a neihzoh lamlam, khelh thoihna ding in khat, haltum thillat ding in khat, tangbuang thillat toh. Huchi in siampu in kisiangsak ding mi ading in TOUPA ma ah kilemna a bawlsak ding hi.

³²Hiai bel phak hivei, kisiansakna dan bang a chinloute adia dan ahi, a chi hi.

³³TOUPA’N Mosi leh Aron a houpih a:

³⁴Luah dia k’on piak Kanan gam na lut chiang ua, na luah ding uh gam a inn khat a phak hi ka koih leh,

³⁵Huai inn neitu in, hiai inn ah hi hileh kilawmtak om leh kilawm ka sa, chi in siampu a honghilh ding ahi.

³⁶Siampu in hi a en dia, a lut ma in inn sung hihvuak ding in siampu in thu a pedia, hiai insung a thil om tengteng sianglou ahi ding hi; huai nung in siampu inn sung en ding in a lut ding ahi.

³⁷Aman hi a en dia, ngai dih, hi in a hinglam sim hiam a sanlam sim hiam a bang a nekkuak a, bang sang a niam zaw a a kimuh leh,

³⁸Siampu inn apan kongpi ah a pawt dia, ni sagih sung huai inn a khak ding ahi.

³⁹A ni sagih ni’n siampu’n inn a va en nawn dia, ngai dih, hi pen huai inn bang a a na zamzak leh;

⁴⁰Siampu in huai hi omna suangpen lakhia a, khopi pawlam a ninpaihna mun a paih ding in thu a pe ding hi.

⁴¹inn sung lam a kiat siang kimvel sak dia, suang zutbitna a kiat khiak leivui pen dainawl mun nin ah asung ding uhi.

⁴²Suang dang a la ding ua, huai suangte mun ah a koih ding ua; suang zutbitna dang a la ding ua, inn a hu ding uhi.

⁴³Suang a lakkhiak a, inn a kiat siang a, a hukkhit nung a hi a hong dawk nawn leh, siampu a valut dia, a va en nawn ding hi.

⁴⁴Ngai dih, hi a na zamzak leh huai inn a phak a kip chi ahi a, sianglou ahi

⁴⁵Huai inn a phel dia, a suang, a sing leh a suang zutbitna teng leng dainawl mun nin ah a nawn khevek ding ahi.

⁴⁶Kuapeuh huai inn khak ahihsung himhim a lut taphot nitaklam tan in sianglou ahi ding hi.

⁴⁷Kuapeuh huai inn a lum taphot in a puante uh a sawp ding ua; kuapeuh huai inn a an neta phot in a puante uh a sawp ding uh ahi.

⁴⁸Siampu a lut a, a etkimvel a, ngai dih, huai inn huk hoih a hih nung a, hi a zamzak kei leh, inn a siang chih siampu in a phuang ding, hi pen a ki khinmang tak ziak in.

⁴⁹inn siansakna ding in vasa nih leh Sidar sing leh khauzang san leh hussop a tawi ding hi.

⁵⁰Vasa khat pen lei bel ah luitui luang tung ah a gou ding hi.

⁵¹Sidar sing, hussop, khausan leh vasa hing pen a la dia, vasa gohsa sisan ah leh luitui ah a diah ding hi.

⁵²Vasa sisan, luitui luang, vasa hing pen, sidar sing, hussop leh khausan in huai inn a siangsak ding ahi.

⁵³Vasa hing pen khua apan gamlak ah kilemna bawlna ding in a leng khesak dia; huchi in huai inn a siangsak ding a, a hong siang ding hi.

⁵⁴Hiai pen phak hi chichih leh meimasungtum tungthu a dan ahi;

⁵⁵puan a om leh innte a om phak ading;

⁵⁶chibawk, khem, pol leh chikang chihte toh kisai a,

⁵⁷sianlouhna hun leh sianna hun a sinsak ding, phak dan ahi.