Read Paite Chin JEREMIAH 45 Bible Online

JEREMIAH 45 - Paite Chin bible

JEREMIAH 45

¹Judah kumpipa Jehoiakim, Josiah tapa kum lina ah Jeremiah kam a kipan hiai thute laibu a a gelh lai a Neriah tapa Baruk kiang a zawlnei Jeremiah thugen:

²TOUPA Israel Pathian in, Aw Baruk, na kiang ah hichi in a chi: Nang, ka tunggikta na mai e:

³TOUPA’N “Ka thuakna ah lungkhamna a hon behlapta ngal a: ka thum ka bahpih a, tawldamna ka mu zoukei” na chi hi.

⁴A kiang a hichia na gen ding ahi: TOUPA’N hichi in a chi: “Ngai in, ka lamsa ka phel nawn ding a, gam pumpi mahmah ah ka phuhsa ka botkhe nawn ding hi.

⁵Huan, nang ading in thil thupi na zong hia? Zong dah mai in: sa tengteng tung ah thil hoihlou k’on tungsak ding a, chih TOUPA thupawt ahi: himahleh na hinna bel munchih a na paina ah gallak ding in ka honpe ding” chi in.