Read Paite Chin JEREMIAH 5 Bible Online

JEREMIAH 5 - Paite Chin bible

JEREMIAH 5

¹Jerusalem kholakte ah vial tai unla, chiamteh unla, a mual tamte zong unla, mi khat bek diktattak a hih a, thutak zong mahmah na muhtheih uleh, Jerusalem ka ngaidam ding.

²TOUPA a hin a a hin sung, chimahle uh, zuau in a kichiam lel uh ahi.

³Aw TOUPA, thutak na muhnop ahi ka hia? Amau na sat a, himahleh a lungkham tuankei uh, amau na hihmang a, na thuzohna a pom nuam tuankei uh, suangpi sang a sak in a tal uh a taksak ua, a kilehhei nuam kei bikbek uh.

⁴Ken, hiaite mi phalou, a hai lai ua, TOUPA dan, a Pathian uh thugel a theikei uhi.

⁵Miliante kiang ah ka hohta ding a, ka houpih ding a, amau zawTOUPA dan leh Pathian thugelte a thei uh, a chi a. Himahleh hiai mite’n thukhat sat in, hakkol a hihtan ua, henna khau a hihtat uhi.

⁶Huaiziak in gammang nuai a humpinelkai in amau a kei ding a, gamdai ngia in amau a ne bei ding a, gialbem in a khopite a tang a, huai a hongpawt peuhmah a bawtzan ding: a tatleknate uh a tam a, a nungkinnate uh a thupi mahmah ziak in.

⁷Bangchi’n k’on ngaidam thei dia? Na tate’n a hon paisan ua, Pathian loupite sam in a kichiam ua, taitak a ka vak nung in ang a kawm ua, kizuak innte ah a kivel hehu uh.

⁸Zingsang lam sakol vak vah bang mai ahi ua, michih amah invengpa zi enlah in a ham uh.

⁹Hiai thilte ziak in ka gawt kei ding maw? chih TOUPA thupawt ahi. Hichibang nam tung ah phu ka kilaksak kei ding ahia?

¹⁰A gawlte ah kah lut unla, hihsia un, himahleh hihse khin vek kei un, a hiangte lamang un, TOUPA a lah ahi ngal kei hi.

¹¹Israel inkawte leh Judah inkawte’n ka tung ah lepchiahtak in a hih uh, chih TOUPA thupawt ahi.

¹²TOUPA bel zuauthei dia sep in, “Bangmah a hih thei sam kei ding, siatna i tung uah a tung kei ding, kial hiam namsau hiam i thuak kei ding.

¹³Zawlneite leng huihzam lel ahi ding ua, amau ah thu a omkei a; a tung uah hichibang a hih ahi ding, a chi uhi.

¹⁴Huaiziak in, TOUPA, Sepaihte Pathian in a chi: Huchibang thu na gen ziak un, ngai in, na kam a ka thute mei ka suaksak ding a, hiai mipi singte a kangkhin ding.”

¹⁵Ngai un, aw Israel inkawte aw, gamlapi a kipan, nam khat na kiang ah ka honpi ding, chih TOUPA thupawt ahi. Nam hattak, nam ni danglai a kipan a, a pau uh na theihlouh, a thugen uh na theihlouh namte.

¹⁶A thal bawm uh han kihong ahi a, avek un mi hattak ahi khin uh.

¹⁷Na buh laksa leh na nek ding a nekhinvek ding uh; na tanute na tapate nekding mahmah: na ganhonte, na belamhonte a ne ding ua, na grepguite, na theipi kungte a ne ding ua, na khopi kulhnei, na muanpi pente mahmah namsau in a hihse ding uhi.

¹⁸“Himahleh huai nite ah leng k’on hih chimit kei ding” chih TOUPA thupawt ahi.

¹⁹Hichi a honghi ding a, Bangding a TOUPA i Pathian un hiai thil tengteng i tung ua hih ahia? Na mite un a chih hun chiang un, N’on paisan ua, na gam ua pathian dangte nna na sep bang un, na gam lou uah, paudang mite nna na sem ding uh, a kiang uah na chi ding ahi.

²⁰“Jakob inkawte lak ah hiai genkhia unla, Judah gam ah phuang un.

²¹Aw theihtheihna neilou, mihaite aw, mit nei a lah mu lou, bil nei a lah zaloute aw, hiai ngaikhia un”

²²“N’on kihta kei uh maw?” chih TOUPA thupawt ahi, Ka ma ah na ling kei ding uh maw? Kei, tuipi huap chiang a dia piautak, tangtawn a a let louhna ding a daikaihna, tuipi kihot zou mahleh a let tuan theihlouha, ging honhon mahleh a khen theihlouh ding bawlpa ka hi.

²³Himahleh hiai mite’n lungtang paupeng leh helhat a pu ua, a hel ua, a taimangta uh.

²⁴A lungtang un leng, TOUPA i Pathian, a huntak a vuah masa leh vuah nanung zusakpa, buh leh hunbi hon sehsakpa laudan i siam ding uh, a chi sam kei uh.

²⁵Hiai thilte na thulimlouhnate un a hihmang a, na khelhnate un thil hoih nou a hontan sak ahi.

²⁶“Ka mite lak ah migilou a om ngal ua, vasa gemmi in a tan bang in a tang gige ua, thang a kam ua, mite a man uh.

²⁷Bawm vasa a dim bang mai in, a innte uh khemna in a dim a, huaiziak in a honglian ua, a hong hauhsak lohta uhi.

²⁸A hongthau ua, a hongzol ua, ahi, a gitlouhna thilhihte un hun chiang a neikei, pa neiloute lamzanna ding in amau lam ah a pang kei uhi.

²⁹Hiai thilte ziak in ka gawt kei dia hia? chih TOUPA thupawt ahi: Hichibang nam tung ah ka hinna in phu a lakei ding ahia?

³⁰Huai gam ah thil lamdangtak leh mulkimhuaitak a hongtung hi.

³¹Zawlneite’n zuauthu a gen ua, siampute’n lah amau thuthu in vai a hawm ua, ka mite’n lah huchibang hih a ut uhi, a tawp ah bangchi’n na hih ding ua leh?”