Read Paite Chin EZEKIEL 15 Bible Online

EZEKIEL 15 - Paite Chin bible

EZEKIEL 15

¹TOUPA thu ka kiang ah a hongtung a:

²Mihing tapa, gammang nuai a sing lak a Grepgui sing dang sang in bang ahi a leh?

³A sing thil bawlna dia zat ahi hia? Tuium-belsuan khaina ding in kuan a zang ngei a leh?

⁴Ngai in, mei a paihlut ahi a, toh ding in mei in a kangmang, a mong langnih, a kangkhin a a lai ah phattuamna a nei ahia?

⁵Ngai in, a bitlai nangawn in a phatuam kei: phatuam sin kei na tel e, a kat khitnung in!

⁶Huaiziak in TOUPA Pathian in hichi in a chi: gamnuai singlak a grepguite, toh ding in mei ah ka khul maimah bang in, Jerusalem luahmite ka bawl ding.

⁷Amau ka masuan ding a, pawt mahle uh, mei a kipan, a kang bei ding, mei in, TOUPA ka hi chih a thei ding ua, amaute ka masuan hun chiang in.

⁸A gam uh ka hihgawp ngei ding ahi, thulimlouhna a hih ziak un chih TOUPA thupawt ahi, chi in.