Read Paite Chin HOSIA 12 Bible Online

HOSIA 12 - Paite Chin bible

HOSIA 12

¹Ephraim huih in a kivak a, suahlam huih a zui; zuaute leh siatgawpna a pungsak gige a; Assuria toh thukhun a bawl ua, Aigupta gam ah sathau puaklut in a om hi.

²TOUPA’N leng Judah a kiselpih a, a lampite bang in Jakob a gawt ding; a thilhihte bang in amah a thuk ding hi.

³Sul ah a unaupa a khetul in a man a; a pichin in Pathian ah thilhihtheihna a nei hi;

⁴Ahi, angel tung ah thilhihtheihna a nei a, a vualzouta a; a kap a, a kiang ah thumna a bawl hi; Bethel ah Amah a mu a, huai ah kou a hon houpih hi;

⁵TOUPA mahmah, sepaihte Pathian, TOUPA theihgigena ahi.

⁶Huaiziak in nang na Pathian lamnga in; chitna leh vaihawmna kem in, na Pathian ngak nilouh in.

⁷Amah Kanaan mi ahi, a khut ah khemna buknate a om; nuaisiah a utlam ahi.

⁸Ephraim in: “Taktak in ka hong hauta a, hauhsakna ka kimuhkhiakta hi; ka sepgimna tengteng ah thulimlouhna thilhihkhelhna kei ah bangmah a mu kei ding uh,” a chi hi.

⁹Himahleh Aigupta gam a kipan kei TOUPA na Pathian ka hi; Ankuanglui thupilai nite bang in, puaninte a teng ding in nang k’on bawllai ding hi.

¹⁰zawlneite kiang ah leng thu ka gen ta a, mengmuhnate ka tamsakta hi; zawlneite nasepna zang in kibatpihte ka zangta hi.

¹¹Gilead thulimlouhna ahi hia? Bangmahlou ahivek uh; Gilgal ah bawngtalte in a kithoih ua; a maitamte uh loukaihna a leivup bang in a om uh.

¹²Aram lou a Jakob a tailut bang in, Israel in zi loh ding in na a sem, zi loh ding in belamhon a ching hi.

¹³Aigupta a kipan zawlnei in TOUPA’N Israel a pikhia a, zawlnei a hawi in a om hi.

¹⁴Nakpi mahmah in Ephraim in TOUPA a hehsak a; huaiziak in a sisan amah tung a nutsiat in a om ding, amah gensiatna TOUPA’N a kiang lam ah a kiksak nawn ding.