Read Paite Chin HOSIA 3 Bible Online

HOSIA 3 - Paite Chin bible

HOSIA 3

¹TOUPA’N ka kiang ah, “Kuan inla, a lawm in a lunggulh tuntun numei, angkawmnu, pathian dangte lam nga in, grepbeu gamte it mahle uh, TOUPA’N Israel suante a it bang in it nawn in” a honchi hi.

²Huchi in kei a din amah dangka sekel sawmlehnga leh, Barli buh homer khat leh, barli buh homer kimkhat in ka leita hi.

³A kiang ah, kei ading in ni tampi na om nilouh ding; kizuak in na om nawn kei ding a, mi kuamah zi na hi kei ding; huchibang in keileng nang lam ah ka om ding, ka chi hi.

⁴Israel suante bel kumpi neilou, vaihawmmi omlou, kithoihna neilou, khuam siangthou lou, siampu puanak lou, leh pathiante lou in ni tampi om nilouh ding uhi.

⁵Huai nungchiang in Israel suante a hongkik nawn ding ua, TOUPA, a Pathian uh, leh David a kumpipa uh a zong ding uhi; ni nanungte ah TOUPA kiang ah a hoihna zuan in lau kawm in a hongpai ding uhi.