Read Paite Chin HOSIA 6 Bible Online

HOSIA 6 - Paite Chin bible

HOSIA 6

¹Hong un, TOUPA kiang ah i kik ding uh; aman a hon botkekta a, a hon damsak ding ziak in, a honsat a, a hontuam ding hi.

²Ni nih nung in aman a hon hihhalh ding; ni thum ni’n a hon kaithou ding a, a ma ah i hing ding uhi.

³Huan thei ni, TOUPA thei ding in zuitou pek ni; zingsang a khua a vak ngeingei bang in leh vuah, lei kawtsak vuah nanung bang in i kiang uah a hongpai ding chih theihsa ahi.

⁴Aw Ephraim, bang k’on chih dia? Aw Judah, bang k’on loh dia? Na hoihna lah zingsang meipi bang leh daitui zulmang pah bang ahi.

⁵Huaiziak in zawlneite in amaute ka heuhta; ka kam a thute in amaute ka thatta hi: na vaihawmnate khovak paikhe pah bang ahi.

⁶Kithoihna hilou in, chitna ka deih a; haltum thillat sang in Pathian theihna ka deih hi.

⁷Himahleh Adam bang in thukhun ah a talek ua: huai ah lepchiahtak in ka tung ah a hih uhi.

⁸Gilead thulimlou sepna khopi ahi a, sisan a hihnit in a om hi.

⁹Suamhat pawlte’n mi a guktan bang un, siampu pawlte’n Sekem zotna lampi ah tual a that uh; ahi, kilawmlou a hihta uhi.

¹⁰Israel inkawte ah thil mulkimhuai ka muta a: huai ah Ephraim ah kizuakna muh in a om a, Israel a buahgawpta hi.

¹¹Huailou in, Aw Judah, ka mite saltang ka pinawn chiang in, nang ading in buhlak ding sehsa a om hi.