Read Paite Chin NAMBARS 26 Bible Online

NAMBARS 26 - Paite Chin bible

NAMBARS 26

¹Huan, hipi a daih nung in hichi ahi a, TOUPA’N Mosi leh siampu Aron tapa Eleazar a houpih a,

²“Israel suan omkhawm tengteng, kum sawmnih apan a tung lam, a inkuan dungzui un Israel gam a galdou thei chiang teng simvek un” a chi hi.

³Mosi leh siampu Eleazar in Jeriko zawn, Jordan gei, Moab phaizang ah amau a houpih a,

⁴“Mipite kum sawmnih apan a tunglam sim un,” TOUPA’N Mosi leh Aigupta gam apan Israel suante kiang a thu a piak bang in, a chi uhi.

⁵Israel ta upapen Reuben: Reuben tapate; Hanok suan Hanokte, Pallu suan Pallute.

⁶Hezron suan Hezronte, Karmi suan Karmite.

⁷Hiaite Reubente inkuan ahi uh. Sima om tengteng sing li leh sang thum leh za sagih leh sawmthum ahi.

⁸Pallu suan, Eliab.

⁹Eliab suante: Neumuel, Dathan leh Ahiram ahi uh. Hiai Dathan leh Abiram ahi ua, TOUPA a hehsak lai ua Mosi leh Aron kalh a Korah pawl a tel omkhawmte.

¹⁰Huai pawl a sih lai un lei in a kam a ka a, Korahte toh a valh khawm a; mei in mi za nih leh sawmnga a kattum lai in, huchi in chiamtehna a na hita uhi.

¹¹Himahleh Korah tapate a si kei uh.

¹²Simeon tapate inkuan uh kizomdan bang zel a a suante: Nemuel suan Nemuelte. Jamin suan Jaminte, Jakin suan Jakinte.

¹³Zerah suan Zerahte; Shaul suan Shaulte ahi uh.

¹⁴Hiaite Simeon suante ahi, sing nih, sang nih leh za nih ahi.

¹⁵A inkuan kizomdan bangzel a Gad tapate. Zephon suan Zephonte: Haggi suan Haggite leh Sunni suan Sunnite.

¹⁶Ozni suan Oznite.

¹⁷Eri suan Erite; Arod suan Arodte leh Areli suan Arelite.

¹⁸Hiaite a simdan bang ua Gad tapate suante ahi uh, sing li leh za nga ahi.

¹⁹Judah tapate: Er leh Onan; Er leh Onan Kanan gam ah a si uhi.

²⁰Judah suante inkuan paidan hichi ahi: Shelah suan Shelahte;

²¹Perez suan Perezte: Zer suan Zerte ahi uh. Hezron suan Hezronte; Hamul suan Hamulte ahi uh.

²²Hiaite a simdan bang un Judah tapate suante ahi uh, nuai guk leh sing khat leh sang guk leh za nga ahi uh.

²³A inkuan uh kizomdan bangzel a Issakar suante: Tola suante Tolate; Pua suante Puate.

²⁴Jasub suante Jasubte. Shimron suante Shimronte ahi uh.

²⁵Hiaite a simdan bang un Issakar tapate suante ahi ua, sing guk leh sang li leh za thum ahi.

²⁶A inkuan uh kizomdan bangzel a Zebulun suante; Sered suante Seredte; Elon suante Elonte; Jaleel suante Jaleelte ahi uh.

²⁷Hiaite a simdan bang ua Zebulunte suante ah uh, sing guk leh za nga ahi.

²⁸A inkuan uh kizomdan bangzel a Joseph suante: Manasseh leh Ephraim.

²⁹Manasseh suante: Makir suante Makirte; Makir in Gilead a suang a; Gilead suante Gileadte ahi uh.

³⁰Hiaite Gilead suante ahi uh: Iezer suante Iezerte; Helek suante Helekte;

³¹Asriel suante Asrielte; Sekem suante Sekemte;

³²Semidah suante Semidhte; Hepher suante Hepherte ahi uh.

³³Hepher tapa Zelophehad in tapa neilou in tanute a nei a: Zelophehad tanute min Malah, Nova, Hoglah, Milkah leh Tirzah ahi uh.

³⁴Hiaite Manasseh suante ahi uh. A sim teng uh sing nga leh sang nih leh za sagih ahi.

³⁵Hiai a inkuan uh kizomdan bangzel a Ephraim suante ahi uh: Suthelah suante Suthelahte; Beker suante Bekerte; Tahan suante Tahante ahi uh.

³⁶Hiaite Suthelah suante ahi uh: Eran suante Erante ahi uh.

³⁷Hiaite a simdan bang un Ephraim suante inkuan ahi ua, sing thum leh sang nih leh za nga ahi. Hiai a inkuan kizomdan bangzel ua Joseph suante ahi uh.

³⁸A inkuan uh kizomdan bangzel a Benjamin suante: Bela suante Belate; Asbel suante Asbelte; Ahiram suante Ahiramte.

³⁹Supham suante Suphamte; Hupham suante Huphamte ahi uh.

⁴⁰Bela suante Ardi leh Naaman ahi uh: Ardi suante Ardite; Naaman suante Naamante ahi uh.

⁴¹Hiaite a inkuan uh kizomdan bangzel in Benjamin suante ahi uh. A sim teng uh sing li leh sang nga leh za guk ahi.

⁴²Hiaite a inkuan uh kizomdan bangzel a Dan suante ahi uh: Saham suante Sahamte ahi uh. Hiaite a inkuan uh kizomdan bangzel a Dan suante ahi uh.

⁴³Saham suante tengteng a simdan bang un sing guk leh sang li leh za li ahi.

⁴⁴A inkuan uh kizomdan bangzel a Asher suante ahi uh: Jimna suante Jimnate; Isvi suante Isvite.

⁴⁵Beriah suante Beriahte ahi uh: Heber suante Heberte; Malkiel suante Makielte ahi uh.

⁴⁶Asher tanu min Ser ahi.

⁴⁷Hiaite Asher tapate suan a sim teng uh ahi ua, sing nga leh sang thum leh za li ahi.

⁴⁸A inkuan uh kizomdan bangzel a Naphtali suante, Jazeel suante Jazeelte; Guni suante Gunite;

⁴⁹Jezer suante Jezerte; Silem suante Silemte ahi uh.

⁵⁰Hiaite a inkuan uh kizomdan bangzel a Naphtali suante ahi uh: a sim teng uh sing li leh sang nga leh za li ahi.

⁵¹Hiaite Israel tate a sim teng uh ahi ua, nuai guk leh sang khat leh za sagih leh sawmthum ahi.

⁵²TOUPA’N Mosi a houpih a:

⁵³Hiaite a min zah zel un gam hawm sak ding ahi.

⁵⁴A tam deuhte gam na pe tam dia, a tawm deuhte gam na pe tawm ding ahi. A sim dan bang in gam piak chiat ding ahi.

⁵⁵Himahleh aisan a gam hawm ding ahi: a pute nam min kizomdan bangzel in gam a tang ding uhi.

⁵⁶Aisan bangzel in a tam leh a tawmte kiang ah gam hawm ahi ding hi.

⁵⁷Hiai Levite, a inkuan kizomdan bangzel a simte ahi uh. Gershon suante Gershonte: Kohath suante Kohathte: Merari suante Merarite ahi uh.

⁵⁸Hiaite Levi suante ahi uh. Libni suante, Hebron suante, Mahli suante, Musi suante, Korah suante ahi uhi.

⁵⁹Kohath in Amram a suang a, Amram zi min Jokebed, Levi tanu, Aigupta gam a Levi apan a piang ahi a, aman Amram lak ah Aron leh Mosi leh a sanggamnu Miriam a suang hi.

⁶⁰Aron in Nadab, Abihu, Eleazar leh Ithamar a suang hi.

⁶¹Nadab leh Abihu in TOUPA zatlouh chi mei a zat lai un a si uhi.

⁶²Sim tengteng pasal kha khat chiang tunglam teng sing nih leh sang thum ahi. Israel mite lak ah gam hawm tang ding ahihlouh ziak un Israel mite lak ah sim ahi kei uh.

⁶³Jeriko zawn, Jordan gei, Moab phaizang a Israel suante Mosi leh siampu Eleazar in a sim uh hiaite ahi uh.

⁶⁴Sinai gamdai a Israel mite Mosi leh siampu Aron in a simte khat lel leng a omta kei hi.

⁶⁵TOUPA’N, “Gamdai ah a si ngeingei ding uh” a na chi khinta ngal a. Jephunneh tapa Kaleb leh Nun tapa Joshua loungal kuamah dam a omkei uhi.