Read Paite Chin NAMBARS 33 Bible Online

NAMBARS 33 - Paite Chin bible

NAMBARS 33

¹Mosi leh Aron makaih a Aigupta gam apan a pawlpawl a pawt a, a pai zel dan uh hiai bang ahi.

²TOUPA thupiak in a paikhia ua, a pai zel nate uh Mosi in a gelh a; a paikhiak ua a painate uh hiaite ahi.

³A kha khatna, ni sawmlehnga ni’n Rameses apan a pawt ua; Paikan Ankuanglui ni zing in Aigupta miteng muh in hangsantak in Israel suante a pawtkhia uhi.

⁴Aigupta mite’n a ta masa pen teng uh TOUPA’N a thahsakte a vui ua, a pathiante uh leng TOUPA’N a thukhen khumta hi.

⁵Huchi in Israel suante Rameses apan a pawt ua, Sukot ah giahphual a sat uh.

⁶Sukot apan a pawt ua, gamdai phak tung Etham ah giahphual a sat uh.

⁷Etham apan a pawt ua, Baal-zephon bul a Pi-hahiroth lam ah a kinung khin ua, Migdol chin ah giahphual a sat uh.

⁸Pi-Hahiroth chin apan a pawt ua, tuipi a paltan ua, gamdai ah a lut uh. Etham gamdai ah ni thum lam a pai ua, Marah ah giahphual a sat uh.

⁹Marah apan a pawt ua, Elim a tung uh. Elim ah tuinak nei sawmlehnih leh tum sing sawmsagih a om a; huai ah giahphual a sat uhi.

¹⁰Elim apan a pawt ua, Tupi San ah giahphual a sat uh.

¹¹Tuipi San apan a pawt ua, Sin gamdai ah giahphual a sat uh.

¹²Sin gamdai apan a pawt ua, Dophkah ah giahphual a sat uh.

¹³Dophkah apan a pawt ua, Alush ah giahphual a sat uh.

¹⁴Alush apan a pawt ua, Rephidim ah giahphual a sat ua, huai ah mipite dawn ding tui a omkei hi.

¹⁵Rephidim apan a pawt ua, Sinai gamdai ah giahphual a sat uh.

¹⁶Sinai gamdai apan a pawt ua, Kibroth-hattaavah ah giahphual a sat uh.

¹⁷Kibroth-hattaavah apan a pawt ua, Hazeroth ah giahphual a sat uh.

¹⁸Hazeroth apan a pawt ua, Rithmah ah giahphual a sat uh.

¹⁹Rithmah apan a pawt ua, Rimmon-parez ah giahphual a sat uh.

²⁰Rimmon-parez apan a pawt ua, Libnah ah giahphual a sat uh.

²¹Libnah apan a pawt ua, Rissah ah giahphual a sat uh.

²²Rissah apan a pawt ua, Kehelathah ah giahphual a sat uh.

²³Kehelathah apan a pawt ua, Shepher tang ah giahphual a sat uh.

²⁴Shepher tang apan a pawt ua, Haradah ah giahphual a sat uh.

²⁵Haradah apan a pawt ua, Makheloth ah giahphual a sat uh.

²⁶Makheloth apan a pawt ua, Tahath ah giahphual a sat uh.

²⁷Tahath apan a pawt ua, Terah ah giahphual a sat uh.

²⁸Terah apan a pawt ua, Mithkah ah giahphual a sat uh;

²⁹Mithkah apan a pawt ua, Hashmonah ah giahphual a sat uh.

³⁰Hashmonah apan a pawt ua, Moseroth ah giahphual a sat uh.

³¹Moseroth apan in a pawt ua, Bene-jaakan ah giahphual a sat uh.

³²Bene-jaakan apan a pawt ua, Hor-hagidgad ah giahphual a sat uh.

³³Hor-hagidgad apan a pawt ua, Jotbathah ah giahphual a sat uh.

³⁴Jotbathah apan a pawt ua, Abronah ah giahphual a sat uh.

³⁵Abronah apan a pawt ua, Ezion-geber ah giahphual a sat uh.

³⁶Ezion-geber apan a pawt ua, Jin gamdai ah giahphual a sat uh huai bel Kadesh leng a chi uhi.

³⁷Kadesh apan a pawt ua, Edom gam chin a Hor tang ah giahphual a sat uh.

³⁸Siampu Aron TOUPA thupiak in Hor tang ah a hohtou a, Israel suante Aigupta gam apan a hongpawt uh kum sawmli, kha nga, ni khat ni’n huai ah a sita hi.

³⁹Aron Hor tang a a sih in kum za leh sawmnih leh thum ahi.

⁴⁰Kanan mi, Kanan gam simlam a om Arad kumpipa’n Israel suante a hongpai uh a naza hi.

⁴¹Hor tang apan a pawt ua, Zalmonah ah giahphual a sat uh.

⁴²Zalmonah apan a pawt ua, Punon ah giahphual a sat uh.

⁴³Punon apan a pawt ua, Oboth ah giahphual a sat uh.

⁴⁴Oboth apan a pawt ua, Moab gam naih Ije abarim ah giahphual a sat uh.

⁴⁵Ije abarim apan a pawt ua, Dibon gad ah giahphual a sat uh.

⁴⁶Dibon gad apan a pawt ua, Almon diblathaim ah giahphual a sat uh.

⁴⁷Almon diblathaim apan a pawt ua, Nebo chin a Abarim tang ah giahphual a sat uh.

⁴⁸Abarim tang apan a pawt ua, Jeriko zawn, Jordan gei Moab phaizang ah giahphual a sat uh.

⁴⁹Jordan gei Beth jeshimoth apan Abelshitim pha in Moab phaizang ah giahphual a sat uh.

⁵⁰Jeriko zawn Jordan gei Moab phaizang ah TOUPA’N Mosi a houpih a:

⁵¹Israel suante houpih inla, a kiang uah Jordan lui na kan ua, Kanan gam na lut chiang un,

⁵²Huai gam a om tengteng na delhkhe vek ding ua, a suang milim pathian tengteng uh na hihse vek ding ua, a milim sunte uh na hihse vek ding ua, a mun sangte uh na hihse vek ding uh ahi.

⁵³Gam na luah ding ua, huai ah na teng ding uh. Na luah ding ua gam k’on piaksa na hi uhi.

⁵⁴A chi dungzui bangzel in aisan in gam na luah ding ua, a inbul deuhte gam za deuh na pe ding ua, a inbul lou deuhte gam neudeuh na pe ding uh. Aisan a pukna peuh mi chih a tuam ahi dia; na pi leh pute uh chi paidan bangzel in na luah ding uhi.

⁵⁵Himahleh huai gam a omte na delhkhiak kei uleh na omsakte uh na mit ua ding in sutna zum leh na sa ua ding in ling bang ahi ding ua, na omna gam uah buaina a hontun ding uhi.

⁵⁶Hichi ahi ding a, a tung ua hih ka tup bang na tung uah ka hih ding, chi in, a chi hi.