Read Paite Chin ZEKARIAH 4 Bible Online

ZEKARIAH 4 - Paite Chin bible

ZEKARIAH 4

¹Huan kei hon houpih angel a hong nawn a, mi ihmulai phawn bang in a hon phawng hi.

²Huan ka kiang ah, “Bang na mu a?” a chi a. Ken, “Ngai in, dangkaeng khawnvak koihna, a dawn a a noubem leh huaite a dawn a khawnvak sagih omte ka mu” chi in ka dawng hi,

³Olive sing nih a kiang a om, khat noubem taklam pang ah khat veilam pang ah, ka chi hi.

⁴Huan ka dawng a, kei hon houpih angel kiang ah thu ka gen a. “Hiaite bang ahi ua, ka TOUPA?” ka chi hi.

⁵Kei hon houpih angel in a hon dawng a, ka kiang ah. “Hiai bang ahi ua na theikei maw?” a chi a. Ken, ‘Ii,’ theilou TOUPA? ka chi hi.

⁶Huaitak in aman hon dawng a, ka kiang ah thu a gen a, “Hiai Zerubbabel kiang a TOUPA thu ahi: Thahatna in hilou, thilhihtheihna in leng hi samlou, ka Kha in ahizaw, sepaihte TOUPA’N a chi.

⁷Kua na hia, Aw mual thupi? Zerubbabel ma ah munzang na honghi ding; aman a tung ah, Hehpihna, hehpihna chia kikou in suang poimawh pen a hon lakhe ding hi” a chi hi.

⁸Huailou in TOUPA thu ka kiang a hong tunglai a, hichi in a chi hi.

⁹“Zerubbabel khut in hiai inn suangphum a koihkhinta; a khutte mah in a zou ding, huan sepaihte TOUPA’N na kiang ah kei a honsawlta chih na thei ding hi” chi in.

¹⁰Thil neu kipatni kua’n a simmawh thei a? Zerubbabel khut ah ulum a mu ding ua kipak ding uhi. Hiai TOUPA mit sagihte ahi; lei pumpi kantan a vialtaite.

¹¹Huan ken ka dawng a a kiang ah, “Khawnvak koihna taklam pang tung a hiai olive sing nihte leh huai a veilam pang a bang ahi ua?” ka chi hi.

¹²A nihveina ding in ka dong nawn a, a kiang ah, “Dangkaeng sel nihte sik a om, dangkaeng sathau amau a kipan suahzel olive hiang nihte bang ahi ua?” ka chi hi.

¹³Aman hondawng a, hiaite bang hi ding ahi ua chih theilou maw? a chi a. Huan ken, “ ‘Ii,’ theilou, ka TOUPA ” ka chi hi.

¹⁴Huaitak in aman, “Hiaite lei pumpi TOUPA kiang a ding, thaunilh nihte ahi uh” a chi hi.