Read Paite Chin ZEKARIAH 5 Bible Online

ZEKARIAH 5 - Paite Chin bible

ZEKARIAH 5

¹Huan ka dak nawn a, ngai in, laibuzial leng ka mu hi.

²Aman ka kiang ah, ‘bang na mu a?’ honchi hi. Ken, “Laibuzial leng ka mu; huai dunglam tong sawmnih ahi a, a vailam tong sawm” ka chi hi.

³Aman ka kiang ah, “Hiai gam pumpi tung a paikhia hamsia ahi, huai dungzui in kuapeuh guta tu a kipan satkhiak in a om ding ua; huai dungzui in kuapeuh dikloupi a kichiamte tu a kipan satkhiak in a om ding uhi.

⁴Ka paikhesak ding, sepaihte TOUPA’N a chi a, gutami inn ah a lut ding, ka min a zuau a hamsia zangmi inn ah; huan a inn ah a om gige dia, a sing a suang toh a negai ding,” a chi hi.

⁵Huchi in kei hon houpih angel a paikhia a, ka kiang ah, “Tuin dak inla, bang ahi a paikhia chih en in” a chi hi.

⁶Ken, “Bang ahia?” ka chi hi. Aman, “Hiai a paikhia ‘Ephah’ ahi, a chi a, huailou in, hiai “Gamsung tengteng a mite khelhna ahi” a chi hi.

⁷Ngai in, “Ngensin dopkang in a om a; Ephah sung a tu hiai numei ahi” a chilai hi.

⁸Huan aman, “Hiai gitlouhna ahi” a chi a; Ephah sung ah a paisuka; huai a gongtung ah ngengik a ngasuk hi.

⁹Huchi in ka dak a, ngai in, numei nih a khate uah huih a om a hong paikhia ua, tuivapi bang in kha a nei uhi; huchi in huai Ephah lei leh van kikal ah a domtou uhi.

¹⁰Kei hon houpih angel kiang ah, “Hiaite’n Ephah koilam a paw ding uh ahia?” ka chi hi.

¹¹Aman ka kiang ah, “Sinar gam a a inn ding lam ding in, a bawlzoh chiang un amah muntak ah koih in a om ding” a chi hi.