Read Paite Chin MALAKI 4 Bible Online

MALAKI 4 - Paite Chin bible

MALAKI 4

¹“Ngai in, a ni a hongtun ziak in, meipi bang in a kuang a; huchi in kisatheite tengteng, gilou nasemte tengteng, buhpawl hi ding uh; huan a hongtung huai ni’n amaute zung leh hiang nuse lou hial in a kang mang ding uh” sepaihte TOUPA’N a chi.

²Himahleh nou ka min kihtate kiang ah diktatna ni, a khate a hihdamna toh a hongsuak ding; huchi in na pawtkhe ding ua, huangsung bawngnoute bang in na diang velhvelh ding uhi.

³Huan giloute na sikden ding ua; ka gamtat nichiang in na khepek nuai uah meivu ahi ding uh a hih ziak in, sepaihte TOUPA’N a chi.

⁴“Horeb a Israel tengteng ading a ka sikha Mosi dan, amah thupiak, thusehte leh vaihawmte ngei, theigige un.

⁵“Ngai un, TOUPA ni thupi leh mulkimhuai a hong tunma in zawlnei Elijah na kiang uah k’on sawl ding hi.

⁶Pate lungtang tate lam ah, tate lungtang a pate uh lam ah a ngasak ding a; huchilou in zaw hamsia in lei ka gawt kha ding hi.”