Read Paite Chin NASEPTE 6 Bible Online

NASEPTE 6 - Paite Chin bible

NASEPTE 6

¹Huailai a, nungzuite a punpun lai un, a niteng thilhawm uah Grik pauzang Juda meithaite limsaklou chi in Hebru pauzang Judate tung ah Grik Judate a phun uhi.

²Huan sawmlehnihte’n nungzui mipite a samkhawm ua, “Pathian thugen tawpsan a dohkan a nektak ka bawl uh a hoih kei hi.”

³Huaiziak in unaute aw, na lak uah Kha leh pilna a dim mi minhoih ngen sagih tel un, amau hiai thilgel ding in ka bawl ding uh;

⁴kou tuh thum leh thu nasem in ka om gige ding uh” a chi uhi.

⁵Huai thu in mi tengteng a kipaksak a; huchi in ginna leh Kha Siangthou a dim ngen, Stephen, Philip, Prokora leh Nikanor, Timon, Parmena leh Judate phungkai Antiok khua a mi Nikola a tel uhi;

⁶Tua mite sawltakte ma ah a dingsak ua: amau a thum ua, a tung uah a khut uh a nga uhi.

⁷Huchi in Pathian thu a hong dalh a; Jerusalem khua ah nungzuite a pungta mahmah uhi; siampute lak ah leng mi tampi ginna lam a hong ngata uhi.

⁸Huan Stephen hehpihna leh thilhihtheihna in a dim a, mi lak ah thillamdang leh chiamtehna thupite a hihzom zel hi.

⁹Himahleh Kurini, Aleksandria leh Silisia gam leh Asia gam a kipan Juda pawlkhat Salsuakte kikhopna kichite leh mi khenkhat a hong kisa ua, Stephen a hong kiselpih uhi.

¹⁰Himahleh a pilna leh a genpihpa Kha a selkhe theikei uhi.

¹¹Huan mi khenkhat a guai ua; huai mite’n, “Mosi leh Pathian a gensiat ka za uh” a chi uhi.

¹²Huan mite, upate leh laigelhmite a hanthawn ua, Stephen a sual ua, a man ua, vaihawmte kiang ah a pi uhi.

¹³Theihpih zuauthei bawlkhia in, amaute’n, “Hiai min hiai in Siangthou leh Dan a gense gige.”

¹⁴Nazaret Jesu’n hiai in a hihse dia, Mosi in honpiak dante a hihlamdang ding chih, a gen ka za uh, a chi uhi.

¹⁵Huan vaihawmte tengteng in Stephen a ensal chiat ua, a mel angel mel bang in a mu uhi.