Read Paite Chin JOSHUA 12 Bible Online

JOSHUA 12 - Paite Chin bible

JOSHUA 12

¹Hiaite ahi uh huai gam kumpipate, Israel suante’n a hihman ua, a gam uh Jordan luigal, nisuahna lam gamte, Arnon guam apan Hermon tang tan, suahlam pang a Arabah tengteng toh a neihsak uh kumpipate:

²Amorte kumpipa Sihon, Heshbon a teng in Arnon guam pang a om Aroer khua apan vai a hawm a, guam laitak a khopite, Ammon suante gamgi Jabok lui pha in Gilead gam kimkhat tung ah vai a hawm hi

³Suahlam ah Arabah ah Kineroth dil tan in ahi a; suahlam ah Beth jeshimoth hohna lampi lam ah Arabah tuipi, Chi tuipi tan in ahi a; simlam ah Pisgah tang nuai pha in ahi.

⁴Astaroth leh Edre-i khua a om Rephaim nam omsunte lak ah Bashan kumpipa Og in vai a hawm hi.

⁵Amah Hermon tang, Salka khua leh Bashan tengteng, Geshurte leh Maakatte gamgi pha leh Heshbon kumpipa Sihon gamgi chiang Gilead gam kimkhat pha in vai a hawm hi.

⁶TOUPA sikha Mosi leh Israel suante’n huaite a that ua; TOUPA sikha Mosi in Reuben chite, Gad chite, Manasseh nam kimkhatte a gouluah ding un a hawm hi.

⁷Hiai gam Kumpipate ahi, Joshua leh Israel suante’n Jordan lui gal tumlam pang a, a thahte uh, Lebanon guam Baal gad apan Seir tang suntou Halak tang pha in. Joshua in Israel suante a kikhen dan bangzel un huai gam a gouluah ding un a pe chiatta hi.

⁸Tanggam a, phaizang gamte, Arabahte, tanggamte, gamdai gamte, sim gamte; huaite bel Hit mite, Amor mite, Kanan mite, Periz mite, Hiv mite, Jebus mite gam ahi.

⁹Jeriko Khaw Kumpipa khat; Bethel khosik a Ai khaw kumpipa khat;

¹⁰Jerusalem khaw kumpipa khat; Hebron khaw kumpipa khat;

¹¹Jarmuth khaw kumpipa khat; Lakis khaw kumpipa khat;

¹²Eglon khaw kumpipa khat; Gezer khaw kumpipa khat;

¹³Debir khaw kumpipa khat; Geder khaw kumpipa khat;

¹⁴Hormah khaw kumpipa khat; Arad khaw kumpipa khat;

¹⁵Libnah khaw kumpipa khat; Adullam khaw kumpipa khat;

¹⁶Makkedah khaw kumpipa khat; Bethel khaw kumpipa khat;

¹⁷Tapuah khaw kumpipa khat; Hepher khaw kumpipa, khat;

¹⁸Aphek khaw kumpipa khat; Lasaron khaw kumpipa, khat;

¹⁹Madon khaw kumpipa khat; Hazor khaw kumpipa khat;

²⁰Shimron meron khaw kumpipa khat; Aksaph khaw kumpipa khat;

²¹Taanak khaw kumpipa khat; Magiddo khaw kumpipa, khat;

²²Kedesh khaw kumpipa khat; Karmel tang a Jokneam khaw kumpipa, khat;

²³Dor tuipang a Dor khaw kumpipa, khat; Gilgal a Goiim namte kumpipa khat;

²⁴Tirzah khaw kumpipa khat; kumpipa tengteng sawmthum leh khat ahi uh.