Read Paite Chin JOSHUA 15 Bible Online

JOSHUA 15 - Paite Chin bible

JOSHUA 15

¹Hiai Judah suante a inkuan dungzui a amau a tuamdia seh a om ahi: Edom gamgi chiang, simlam pang Zin gamdai tanhial in, simtawp tanpha in a kizalh suk hi.

²Simlam gamgi bel, chi Tuipi sim tawp a tuipi gamgeng apan simlam doh ahi.

³Simlam zuan in Akrabbim tan in a pai zel a, Zin a va tung hi. Kadesh-barnea simlam ah a tungkah a, Hebron a vatung a, Adar ah a toupai a, Karka a kualkhum hi.

⁴Azmon ah a pai zel a, Aigupta luita ah a tuakkhia a; tuipi ah gamgi a tawp hi. Hiai bel simlam pang gamgi ahi.

⁵Suahlam pang gamgi bel Chi Tuipi ahi a, Jordan ah a tawp hi. Mallam pang gamgi bel tuipi tuimeng apan Jordan tun tawp chiang ahi.

⁶Beth-hoglah ah a toupai a, Beth-arabah mal ah a pai zel a; Reuben tapa Bohan suang ah a paitou zel hi.

⁷Akor guam apan Debir ah a paitou a, lui simlama om Adumim a tungkahna chin ah Gilgal lam zuan in mallam ah a pai zel a; En-semes tuite ah a paipai a, En-rogel ah a suakkhia hi.

⁸Hinam tapa guam ah Jebuste gam pang simlam, huai bel Jerusalem ahi, pha in a paitou a; Hinnom tang lampang guam chin a om tangvum ah a paitou a, huai bel Rephaim mallam pang guam tawp mahmah ahi.

⁹Tangvum apan Nephtoah a lui tuite pha in a paisuak a, Ephron tang a khopite ah a pai zel a; gamgi Baalah, huai bel Kiriath-jearim ahi, lam ah a paisuk hi.

¹⁰Baalah apan tumlam pang ah Seir tang pha in a kihekkual nawn a, mallam pang ah Jearim, huai bel Kesalon ahi, tang zul ah a paisuk a, Timnah lam ah a pai hi.

¹¹Mallam pang Ekron zul ah a paikhia a, Sikron ah a paisuak a, Baalah tang ah a pai zel a, Jabneel ah a pawt a; tuipi ah a tawp hi.

¹²Tumlam pang gamgi bel tuipi a zat a za leh a piau chiang teng ahi. Huai gam chiang ahi Judah suante adia a inkuan uh dungzui a sehsak a om.

¹³Jephunneh tapa Kaleb TOUPA’N Joshua thu a piak bang in Judah suante lak ah tantuam a bawlsak a, huai bel Kiriath Arba ahi, Arba bel Anan pa ahi a, a khopi ahihleh Hebron ahi.

¹⁴Kaleb in huai khua apan Anak tapate thum Sesai, Ahiman leh Talmai a delh khia hi.

¹⁵Huai apan Debir khua a mite a vadou a; a ma in Debir khaw min Kiriath Sepher ahi.

¹⁶Kaleb in, “Kuapeuh Kiriath Sepher vadou a, va lazou peuhmah ka tanu Aksah a zi din ka pe ding” a chi hi.

¹⁷Kaleb unau Kenaz tapa Othniel in a va lazou a; huchi in a tanu Aksah a zi din a neisakta hi.

¹⁸Hichi ahi a, a kiang a va tun in, a pa gam ngen din a kuan a; a sabiltung apan a kum hi. Kaleb in a kiang ah, “Bang na deih a?” a na chi hi.

¹⁹Aman, “Hon vualzawl in. Simlam gam lah n’on peta ngal a. Tuinak neite leng hon petel lai in” a chi hi. Huchi in tuinak nei saknungte leh khangnungte a peta hi.

²⁰Hiai ahi Judah suante nam, a inkuan uh dungzui a a gouluah uh.

²¹Simlam a Edom gamgi zul a Judah suante a neih khopi hiaite ahi uh: Kabzeel, Eder, Jagur,

²²Kinah, Dimonah leh Adadah;

²³Kadesh, Hazor leh Ithnan;

²⁴Ziph, Telem, Bealoth,

²⁵Hazor, Hadattah, Kerioth, Hezron (huai Hazor ahi),

²⁶Amam, Shema, Moladah,

²⁷Hazar gaddah, Hesmon, Beth palet,

²⁸Hazar shual, Beer — sheba, Bizjothjah,

²⁹Baalah, Ijim, Ezem,

³⁰Eltolad, Kesil, Hormah.

³¹Ziklag, Madmannah, leh Sansannah.

³²Lebaoth, Shilhim, Ain leh Rimmon ahi ua; Khopi tengteng sawmnih leh kua ahi a, a khopelte uh toh.

³³Phai gam lam ah Estaol, Zoreah, Asnah,

³⁴Zanoah, En-gannim, Tappuah, Enam,

³⁵Jarmuth, Adullam, Sokoh, Azekah,

³⁶Sharaim, Adithaim, Gederah leh Gederothaim ahi ua, khopi teng sawmlehli ahi ua, a khopel teng uh toh.

³⁷Zenan, Hadasah, Migdal Gad;

³⁸Dilean, Mizpah leh Joktheel;

³⁹Lakis, Bozkath, Eglon;

⁴⁰Kabbon, Lahmas, Kitlish;

⁴¹Gederoth, Bethdagon, Naamah, Kakedah. Khopi tengteng sawmlehguk ahi ua, a khopel teng uh toh.

⁴²Libnah, Ether, Ahsan,

⁴³Jiphtah, Asnah, Nezib,

⁴⁴Keilah, Akzib leh Maresah. Khopi tengteng kua ahi a, a khopel teng uh toh.

⁴⁵Ekron leh a khopite leh a khopelte toh.

⁴⁶Ekron apan tuipi tanpha in Ashdod zul a om tengteng a khopelte toh.

⁴⁷Ashdod leh a khopite leh a khopelte: Gaza leh a khopite leh a khopelte; Aigupta lui leh tuipi za leh a gei chiang pha in.

⁴⁸Singtang gam lam ah Samir, Jattir, Sokoh,

⁴⁹Dannah leh Kirjath Sannah, huai bel Debir ahi,

⁵⁰Anab, Estemoh, Anim leh Gosen,

⁵¹Gosen, Holon leh Giloh; khopi tengteng sawmlehkhat ahi a, a khopel teng uh toh.

⁵²Arab, Dumah, Esean,

⁵³Janum, Beth tappuah, Aphekah,

⁵⁴Humtah leh Kiriath Arba, huai bel Hebron ahi, leh Zior; khopi tengteng kua ahi a, a khopel teng uh toh.

⁵⁵Maon, Karmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah leh Timnah; khopi tengteng sawm ahi a, a khopel teng uh toh.

⁵⁸Halhul, Beth Zur, Gedor,

⁵⁹Maarath, Beth Anoth leh Eltekon; khopite tengteng guk ahi a, a khopel teng uh toh.

⁶⁰Kiriath-baal, huai bel Kiriath-jearim ahi, leh Rabah; khopi nih leh a khopel teng uh toh.

⁶¹Gamdai a Beth-arabah, Middin, Sekaka,

⁶²Chi khopi Nibshan leh En Gedi; khopi tengteng guk ahi a, a khopel teng uh toh.

⁶³Jerusalem khua a teng Jebuste ahihleh Judah suante’n a delhkhe zoukei ua, tunitan in Jerusalem ah Judah suante leh Jebuste a teng khawm uhi.