Read Paite Chin JOSHUA 16 Bible Online

JOSHUA 16 - Paite Chin bible

JOSHUA 16

¹Joseph suante tantuam, Jeriko zawn apan gamdai kiang, suahlam pang Jeriko tuite ah a suak a, Jeriko apan singtang gam ah Bethel pha in a paitou zel hi.

²Bethel apan Luz ah a suak a, Arkamite gamgi a Ataroth pha in a pai zel hi.

³Tumlam pang ah Japhleti gamgi Bethhoron khangnung zaw gamgi, Gezer pha in a paisuk zel a; tupi ah a suak hi.

⁴Huchi in Joseph suante Manasseh leh Ephraim suante’n tantuam in a lata uhi.

⁵A inkuan uh dungzui zel a Ephraim suante gamgi hiai ahi: Suahlam pang a tantuam uh gamgi Ataroth Addar ahi a, Beth-horon sak nungzaw a pha hi.

⁶Mikmethath mal tumlam pang ah a suak a, suahlam pang ah Taanathsilo pha in a kihei nawn a, Janohah suahlam ah a pai zel hi.

⁷Janohah apan Ataroth ah, Naarah ah a paisuk a, Jeriko a tung a, Jordan ah a suak hi.

⁸Tappuah apan tumlam pang ah Kanah luita pha in a pai a; tuipi ah a suak hi. Huaite ahi Ephraim suante a inkuan uh dungzui a a tantuam uh.

⁹Manasseh suante tantuam lak a Ephraim suante adia khopi a seh tuam sakte toh, a khopi tengteng leh a khopelte leng.

¹⁰Gezer a teng Kanante a delhkhe kei ua; Ephraimte lak ah Kanante tunitan in a omlai ua, a sikha un a om uhi.