Read Paite Chin JOSHUA 19 Bible Online

JOSHUA 19 - Paite Chin bible

JOSHUA 19

¹Aisan nihveina Simeon suante tung ah a inkuan uh dungzui in a puk hi. A tantuam uh Judah suante tantuam lak ah a tel hi.

²A tantuam ding ua pukte Beer — sheba, Sheba, Moladah,

³Hazar-shual, Balah, Ezem,

⁴Eltolad, Bethul, Hormah,

⁵Ziklag, Beth-markaboth, Hazar susah,

⁶Beth-lebaoth leh Sharuhen; khopi tengteng sawmlehthum ahi a, khopel teng uh toh.

⁷Ain, Rimmon, Ether leh Ashan: khopi li, a khopelte toh.

⁸Huai khopi kim a khopel tengteng Baalath Beer simlam a Ramah a pha hi. Huaite Simeon suante a inkuan uh dungzui a amau tantuam dia seh.

⁹Simeon suante tantuam Judah suante tantuam lak a ahi. Judah suante tantuam amau adin a zalaw ngal a; huaiziak in Simeon suante tantuam lak ah a tel hi.

¹⁰Aisan thumveina Zebulun suante tung ah a inkuan uh dungzui in a puk hi. A tantuam gamgi uh Sarid tan ahi.

¹¹A gamgi uh tumlam pang ah Maralah pha in a pai a, Dabeseth a va tung a; Jokneam kiang a luita a va tung hi.

¹²Sarid apan suahlam pang ni suahna lam ah Kisloth-tabor gamgi pha in a kawitou a; Daberath ah a pawt hi.

¹³Huai apan suahlam pang ah Gittah-hepher leh Etah-kazin ah a pai zel a, Neah lam zuan in Rimmon ah a pawt hi.

¹⁴Mallam ah Hanathon ah a kualphei nawn a, a pawtna Iphtah El guam ah ahi.

¹⁵Katath, Nahalal, Shimron, Idalah leh Bethlehem; khopi tengteng sawmlehnih ahi a, a khopel teng uh toh.

¹⁶Hiaite ahi Zebulun suante a inkuan uh dungzui a, a tantuam ding ua seh; huai khopite leh khopelte toh.

¹⁷Aisan liveina Issakar suante tung ah a inkuan uh omdan dungzui in a puk hi.

¹⁸A gamgi chiang uh Jezreel, Kesuloth, Shunem,

¹⁹Haphraim, Shion, Anaharath,

²⁰Rabbith, Kishion, Abez,

²¹Remeth, En-gannim, En-haddah leh Beth-pazzez tan ahi.

²²Tabor, Shahazimah leh Beth-shemesh a va pha a; a pawtna Jordan ah ahi a, khopi tengteng sawmlehguk ahi a, a khopel teng toh.

²³Hiaite ahi Issakar suante nam a inkuan uh dungzui a, a tantuam ding ua seh; khopite leh a khopelte toh.

²⁴Aisan ngana Asher suante tung ah a inkuan uh dungzui in a puk hi.

²⁵Gamgi chiang Helkath, Hali, Beten, Aksaph,

²⁶Allammelek, Amad leh Mishal ahi a; tumlam pang ah Karmel tang leh Sihor-libnath a phasuk hi.

²⁷Ni suahna lampang ah Beth-dagon a kualtou a, Zebulun leh mallam pang ah Jiphthah-el guam ah Beth-emek leh Neiel a vapha a; veilam ah Kabul pha in a pai a,

²⁸Ebron leh Rehob, Hammon leh Kanah, Zidon thupi pha in a pai zel hi.

²⁹Gamgi Ramah leh Tura khopi kulhnei ah a kualphei a, Hosah ah a kualphei nawn a, Akzib gam tuipi ah a pawt hi.

³⁰Ummah, Aphek leh Rehob; khopi tengteng sawmnih leh nih ahi a, a khopel teng toh.

³¹Huaite ahi Asher suante nam a inkuan uh dungzui a, a tantuam uh; khopite leh a khopelte.

³²Aisan gukna Naphtali suante tung ah a inkuan uh dungzui in a puk hi.

³³A gamgi chiang uh Heleph leh Za-ananim a singkung lianpi apan Adami Nekeb, Jabneel leh Lakkum pha in a pai a, Jordan ah a tawp hi.

³⁴Tumlam pang ah Aznoth-tabor ah a paisuk in; huai apan Hukok ah a pai a, simlam ah Zebulun a vatung a, tumlam ah Asher a tung a, ni suahna lam ah Judia gam a Jordan a phatou hi.

³⁵Khopi kulhbang neite: Ziddim, Zer, Hamath, Rakkath, Kinneret,

³⁶Adamah, Ramah, Hazor,

³⁷Kedesh, Edre-i, En-hazor,

³⁸Iron, Migdal-el, Horem, Beth-anath leh Beth-shemesh ahi a, khopi tengteng sawm ahi a, a khopel teng uh toh.

³⁹Hiaite ahi Naphtali suante nam a inkuan dungzui ua a tantuam uh, khopite leh a khopelte ahi.

⁴⁰Aisan sagihna Dan suante tung ah a inkuan uh dungzui in a puk hi.

⁴¹A tantuam gamgi uh Zoreah, Estaol leh Ir-shemes,

⁴²Sha-alabin, Aijalon leh Jethlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Bene-berak, Gath-rimmon,

⁴⁶Me-jarkon, Rakkon leh Jopah kiang a gamgi toh.

⁴⁷Dan suante gamgi in huaite a vakheng a; Dan suante’n Lesem a dou ua, a la ua, namsau in a hihmang ua, a tangta uh. Huai ah a teng pah ua, a pu uh Dan mintam in Lesem, Dan a na chi uhi.

⁴⁸Hiaite ahi Dan suante nam a inkuan uh dungzui a, a tantuam uh; huai khopi leh a khopelte toh.

⁴⁹Huchi in a tantuam ding ua gamgi bawl bangzel a gam a hawmkhit un, Israel suante’n Nun tapa Joshua a lak uah tantuam a bawlsak uhi.

⁵⁰TOUPA thupiak bang in Ephraim singtang gam a, a khopi din a nget mah Timnath Serah a pia ua; aman khopi a sat a, huai ah a teng hi.

⁵¹Hiaite ahi siampu Eleazar, Nun tapa Joshua leh Israel suante nam inkuan a intekpente’n Shiloh a TOUPA ma a Kihoupihna puanin kongkhak a aisan a, a goutan ding ua a na hawmte uh. Huchi in gam kihawm a zouta uhi.