Read Paite Chin TITAS 3 Bible Online

TITAS 3 - Paite Chin bible

TITAS 3

¹Vaihawmte leh thuneite nuai a kitahluta thumang ding leh thil hoih chiteng sem ding a mansa a om ding in sinsak in.

²Kuamah gensiat louh ding dan, vuallemtak a om ding dan, mitengteng lak a thunuailutna chiteng hihlang a, nunnem ding in amaute theikhe thaksak nawn in.

³Ei leng nidanglai in mihai, thumanglou, khem a om, utna leh kipahna chiteng sem, gilou leh hazat hata om, kihhuai, leh kihawtuahte i hi uhi.

⁴Himahleh Pathian, i hondampa migitdan leh mihing tung a a itdan a hong kilat lai in,

⁵Diktatna a i thilhihte ziak hilou, a chitna ziak a pianthakna a sawp in leh Kha Siangthou a thaksakna in eite a hon hondamta hi.

⁶Huai Kha Siangthou Jesu Khrist i Hondampa ziak in nakpitak in i tung ah a sungbawta hi,

⁷Huchi a a hehpihna a siamtansaka om in, lametna a tangtawn hinna gouluahte i hihtheihna ding in.

⁸Hiai thugen a dik ahi. Hiai thilte na phut chiltel k’on deih hi, huchi a Pathian gingta sate’n thil hoih hih ding a a pilvan theihna ding un; hiaite mihingte ading in a hoih in a phatuam uhi.

⁹Himahleh dotna haihuai, khangthu suina, kiselna, danthu a kilaina nungngatsan in; huaite thil phatuamlou leh bangmahlou ahi.

¹⁰Ginna tuam neimi zaw khatvei nihvei hilh nung in deih ken.

¹¹Huchibang mi a lampial in a gilou ahi chih na thei uh, amah mah siamlouh a kitangsak ahi.

¹²Artema hiam, Taikika hiam, na kiang a k’on sawl chiang in, Nikopoli khua ah ka kiang ah hongpai teitei in; hiai mun a phalbi zat ka tum hi.

¹³Dansiam, Zenas leh Apollos a zinna ua bangkim a taksap louhna ding un, phatuamngaitak in na panpih un.

¹⁴I mite’n leng a taksap khawktakte uh a suktuah theihna ding un, leh gahlou a a omlouhna ding un thil hoih hih a kuhkal ding in zil uhen.

¹⁵Ka kiang a om tengteng in chibai a honbuk uhi. Ginna a kei hon itte chibai hon buksak in. Na vek ua kiang ah hehpihna om hen, Amen.