Read Paite Chin HEBRUTE 5 Bible Online

HEBRUTE 5 - Paite Chin bible

HEBRUTE 5

¹Siampu Lianpen peuhmah mihingte sik leh tang a khelhnate ziak a thilpiak leh kithoihnate Pathian kiang a lankhawm ding a mihing lak a kipan telkhiak leh mihingte adia Pathian seh ahi uhi:

²Huaite’n amau ngei leng hatlouhna a tuam a omsam a hih ziak un, bangmah theiloute leh lamhaihte tung ah zahngaihna a neithei uhi.

³Huaiziak tak in mite ading a a latsak bang un, amau ading ngei leng khelhnate ziak in lanlou theilou ahi uhi.

⁴Huan huai pahtawina Aron bang a Pathian sap a hih ngal kei uleh kuamah amau a kipe ngeikei uhi.

⁵Huchibang in Khrist leng siampu Lianpen a bawl ding in amah a kihihthupi kei a, “Nang zaw ka Tapa na hi a, tuni’n, k’on neikhia hi” chi a a kiang a genpa’n a hih thupizawta hi;

⁶Mun dang a a gen bang in: “Nang zaw, Melkizedek omdan bang a Tangtawn siampu na hi” a chi hi.

⁷Aman sa a put laini in, sihna lak a amah hondam theipa kiang ah nakpitak a kikou leh khitui kekawm in thumnate leh ngetnate a lan a, a kihtakdan a siamzel ziak in ngaihkhiak in a om hi.

⁸Ta hilhial himahleh a thilthuakte ah thuman a zil hi.

⁹Huchi in hih bukim a hongom in, a thumangte peuhmah ading in tangtawn a hotdamna bulpi a hong hita hi.

¹⁰Melkizedek omdan bang a siampu lianpen in Pathian in a bawlta hi.

¹¹Huai mi tanchin ahihleh gen ding tampi i nei ua, genchet leng a haksa, na bil uh a ngontak ziak in.

¹²A hun ngaihtuah in zaw heutu hikhinta hial le uchin kilawm hiven, Pathian thubulte hilh kiphamoh nawn neive ua, an gum hilou nawitui kiphamoh n’ong hita uhi.

¹³Nawitui ne peuhmah in diktatna thu ah theihna a neikei ua, naungek a hih ziak un.

¹⁴An gum piching ading ahi, huaite’n a zat gige ziak un sialehpha theichian ding in a theihtheihnate uh a sin zongsangta uhi.