Read Kapampangan Ecclessiasticu 2 Bible Online

Ecclessiasticu 2 - Kapampangan bible

Ecclessiasticu 2

¹Anak ko, nung bisa kang sumuyu king Ginu kailangan ing makasadia kang dumalan king kapagsubukan.

²Maging tapat ka sa at e pabayubayu isip. Magtahimik ka neng daratang ing kasakitan.

³Manatili ka king Ginu; e me sa kakalinguan at mibendisyunan ka king bie mu.[4]

⁴Tanggapan mu ing nanumang malilyari king bie mu. Maging mapibabata ka sa neng mayayalipusta ka.

⁵King api ya masusubuk ing gintu, at masusubuk ne man ing pangatau king ornu ning pamanalipusta.

⁶Manalig ka king Ginu at saupan na ka. Tuntunan me ing dalan a tiru na at e ka milalako kapanayan king Ginu.

⁷Ikong sablang tatakut king Ginu, panayan yeng ipakit na kekayu ing lunus na. E kayu lalaut king Ginu ban e kayu madisgrasya.

⁸Ikong sablang tatakut king Ginu, manalig kayu king Ginu, at siguradung tanggap kayung ablas.

⁹Ikong sablang tatakut king Ginu, asahan yu la ding mayap a bage antimo ing lunus na at ing alang anggang tula.

¹⁰Ganakan yu itang mepalyari karing makatua tamu. Atin kayung balu a mebigu karing migtiwala king Gino? Atin ne waring pepaburen ing Ginu karetang tatakut at gagalang king kadiosan na? Ninu na mo ing minaus king Ginu at kaybat e ne pekibatan?

¹¹Maganaka ya at malunusan ing Ginu; patawaran na la ding kasalanan tamu at liligtas na katamu king panganib.

¹²Oneng makalunus la detang maina lub at mangalambut a gamat, detang makasalanan a adua pilubluban.[5]

¹³Kapahamakan ing makapanaya karetang maina lub; ala lang kasalpantayanan, inya ala lang talaingat.

¹⁴Kapahamakan ing makapanaya karetang milako na kapanayan. Nanu ing daptan da potang datang ne ing Ginu ban ukuman na la?

¹⁵E la lalabag karing kautusan detang tatakut king Ginu; detang malugud king Ginu tapat lang mamintu karing utus na.

¹⁶Daraptan da retang tatakut king Ginu ing sablang agyu ra ban paligayan ya; detang malugud king Ginu matula lang mamintu karing kautusan na.

¹⁷Parati lang makasadiang sumuyu king Ginu detang ating takut. Bababa ra ing sarili da arapan na ning Ginu at ngarang sasabi,

¹⁸Ipanibala mi ing bie mi karing gamat ning Ginu at e king tau pablasang ing lunus ning Ginu kasing dagul ne ning kamalan na.