Read Kapampangan Ecclessiasticu 5 Bible Online

Ecclessiasticu 5 - Kapampangan bible

Ecclessiasticu 5

¹E ka sa manalig king salapi o sasabian, Panatag ku bili uli ning pibandian ku.

²E mu paintulutan ing idala na ka ning kasakiman at ning katampalasanan.

³E mu sa isipan king ala kang kikilalanan a maki upaya keka. Nung makanyan ing palage mu king sarili mu, siguradu na kang parusan ning Ginu.

⁴E mu sa sasabian, Dinapat kung pamikasala, oneng kaybat ala namang milyari. Mapibabata ya ing Ginu.

⁵E mu pakasiguraduan ing patawaran na ka ning Ginu ngening e na ka man tutuknang darapat kasalanan.

⁶E mu sasabian, Tune yang malunusan ing Dios, patawaran na ing kasalanan ku nu man anti karakal. Wa, malunusan ya, oneng mimimua ya at bubulus na ing mua na karing palpikasala.

⁷Mibalik na kang agad king Ginu. E mu isipan king iti malyari mung pibukas-bukas. Mapalyaring biglang datang ing mua na keka at mate ka king parusa na.

⁸E mu sa panaligan ing pibandian a ibat king e ustung paralan, uling e mu naman agamit king aldo ning pamanukum ning Dios.[9]

⁹E mu sa pagkapilitan ing paligayan mu la ding sabla o nanayunan ing sablang sasabian da ring tau.

¹⁰Maging matatag ka sana king kekang katatalakaran a kapaniwalan at e milaban-laban ing kekang sasabian.

¹¹Makasadia ka sanang makiramdam at maingat king pamamie mung pakibat.

¹²Makibat ka nung aintindian mu ing pisasabian; oneng isara me ing asbuk mu nung e mu aintindian.

¹³Mapalyaring miparangalan ka o mangapakarine king kekang sasabian; malyari na kang idala ning dila mu king kapahamakan.

¹⁴E mu paintulut ing maging pikabaluan ka anting maindredus, at e ka mangalat balita a makasira karing kalupa mung tau. Mangapakarine la ding mapanako at pikakasaman no man ding malaram.

¹⁵E ka darapat nanumang maragul o malating kasiran,