Read Pangasinan 1 SARAY AWARAN 1 Bible Online

1 SARAY AWARAN 1 - Pangasinan bible

1 SARAY AWARAN 1

¹"Si Adan so ama nen Set ya ama nen Enos, tan si Enos so ama nen Kenan.

²"Si Kenan so ama nen Mahalalel ya ama nen Jared,

³"tan si Jared so ama nen Enoc ya ama nen Matusalem. Si Matusalem so ama nen Lamec

⁴"ya ama nen Noe. Taloran lalaki so anak nen Noe: di Sem, Ham, tan Jafet.

⁵"Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras.

⁶"Saray lalakin anak nen Gomer sikara di Askenaz, Rifat, tan Togarma.

⁷"Saray lalakin anak nen Javan sikara di Elisa, Espanya, Chipre, tan Dodanim.

⁸"Saray lalakin anak nen Ham sikara di Cus, Egipto, Libia, tan Canaan.

⁹"Saray lalakin anak nen Cus sikara di Seba, Havila, Sabta, Raama, tan Sabteca. Saray lalakin anak nen Raama sikara di Saba tan Dedan. (

¹⁰Walay lakin anak nen Cus a manngaran na Nimrod a sikatoy inmonan bantug a makapanyari diad tapew na dalin.)

¹¹Si Mizraim so ama di Ludim, Anamim, Lehabim, Nabtuhim,

¹²Patrusim, Casluhim, Caftorim (a sengeg na saray Filisteo.)

¹³Saray lalakin anak nen Canaan sikara di Sidon, say sankapangulowanan tan Het.

¹⁴Si Canaan so sengeg na saray Jebuseo, Amorreo, Gergeseo,

¹⁵Heveo, Arkeo, Sineo,

¹⁶Arvadeo, Zemareo, tan Hamoteo.

¹⁷Saray lalakin anak nen Sem sikara di Elam, Asur, Arfaksad, Lud, Aram, Uz, Hul, Geter, tan Mesek.

¹⁸Si Arfaksad so ama nen Selah ya ama nen Eber.

¹⁹Duaray lalakin anak nen Eber; say sakey manngaran na Peleg, ta diad panaon to asiyan-siyan iray totood mundo, tan say sakey manngaran na Joktan.

²⁰Si Joktan so ama di Almodad, Selef, Hazarmavet, Jerah,

²¹Hadoram, Uzal, Dikla,

²²Obal, Abimael, Saba,

²³Ofir, Havila, tan Jobab.

²⁴Saray boleg a manlapud kinen Sem ya anggad kinen Abram et saraya: Sem, Arfaksad, Selah,

²⁵Heber, Peleg, Reu,

²⁶Serug, Nacor, Tare,

²⁷tan si Abram (a manngaran met na Abraham).

²⁸Duaray lalakin anak nen Abraham: di Isaac tan Ismael.

²⁹Nagmaliw a pangulo na saray labinduan boleg iray lalakin anak nen Ismael: di Nabayot (say sankapangulowanan ya anak nen Ismael), Kedar, Adbeel, Mibsam,

³⁰Misma, Duma, Massa, Hadad, Tema,

³¹Jetur, Nafis tan Kedema.

³²Walay inyamung nen Abraham a manngaran na Ketura tan anemiray lalakin anak da: di Zimran, Jocsan, Medan, Madian, Jisbac, tan Suah. Duaray lalakin anak nen Jocsan: di Saba tan Dedan.

³³Limaray lalakin anak nen Madian: di Efa, Efer, Enoc, Abida, tan Eldaa.

³⁴Duaray lalakin anak nen Isaac a lakin anak nen Abraham: di Esau tan Israel.

³⁵Saray lalakin anak nen Esau sikara di Elifaz, Reuel, Jeus, Jalam, tan Core.

³⁶Saray lalakin anak nen Elifaz sikara di Timan, Omar, Zefo, Gatam, Kenaz, Timna, tan Amalec.

³⁷Saray lalakin anak nen Reuel sikara di Nahat, Zera, Sama, tan Miza.

³⁸Si Seir so sengeg na saray inmonaonan nanayam ed Edom. Saray lalakin anak nen Seir sikara di Lotan, Sobal, Zibeon, Ana, Dison, Ezer, tan Disan.

³⁹Saray lalakin anak nen Lotan sikara di Hori tan Hemam. (Si Lotan walay agi ton bii a manngaray Timna.)

⁴⁰Saray lalakin anak nen Sobal sikara di Alvan, Manahat, Ebal, Sefo, tan Onam. Saray lalakin anak nen Zibeon sikara di Aya tan Ana.

⁴¹Si Ana so ama nen Dison, ya ama di Hamran, Esban, Itran, tan Keran.

⁴²Saray lalakin anak nen Ezer sikara di Bilhan, Zaavan tan Jaakan. Saray lalakin anak nen Dison sikara di Uz tan Aran.

⁴³Sikara yay arari a nanooley ed dalin na Edom kasakbayan ya awalaan na ari iray Israelita; si Bela a lakin anak nen Beor, tan taga siudad na Dinaba.

⁴⁴Nen inatey si Bela sinalatan nen Jobab a lakin anak nen Zera, tan taga Bosra.

⁴⁵Nen inatey si Jobab sinalatan nen Husam a taga dalin na saray Temaneo.

⁴⁶Nen inatey si Husam sinalatan nen Hadad a lakin anak nen Bedad, tan taga siudad na Avit (tinalo tod bakal iray Madianita diad bansa na Moab.)

⁴⁷Inatey si Hadad sinalatan nen Samla a taga Masreca.

⁴⁸Nen inatey si Samla sinalatan nen Saul a taga Rehobot a walad gilig na ilog.

⁴⁹Nen inatey si Saul sinalatan nen Baal-hanan a lakin anak nen Acbor.

⁵⁰Nen inatey si Baal-hanan sinalatan nen Hadad a taga siudad na Pau (say asawa to si Mehetabel ya anak nen Matred tan apo nen Mezahab.)

⁵¹Kayariy impatey nen Hadad, inoleyan na saray onggendan a pangulo so Edom: Timna, Alva, Jetet,

⁵²Oholibama, Ela, Pinon,

⁵³Kenaz, Teman, Mibzar,

⁵⁴Magdiel, tan Iram. Sikara yay pangulo na Edom.