Read Pangasinan 1 SARAY AWARAN 12 Bible Online

1 SARAY AWARAN 12 - Pangasinan bible

1 SARAY AWARAN 12

¹"Nen si David et manaayam ed Siclag a diay nila to nen imbatikan toy Ari Saul a lakin anak nen Cis, dakerakel a lalaki iray akikasakey ed sikato. Maung tan napanmatalkan iran amin a sondalo.

²"Kabyangan ira na tribu nen Benjamin; si Saul et kabyangan met na sayan tribu. Kawanan-kawigi so panamana tan panamansut da.

³"Saray pangulo ra sikara di Ahiezer tan Joas a lalakin anak nen Semaa tan taga ra Gabaa. Saraya so sondalo: Jeziel tan Pelet ya anak nen Azmavet Beraca tan Jehu a taga ra Anatot Ismaias a taga Gabaon, bantug a sondalo tan sakey ed saray pangulo na Saray Talomplo Jeremias, Jahaziel, Johanan, Jocabad a taga ra Gedora Elusai, Jerimot, Bealias, Semarias, Sefatias a taga ra Harif Elcana, Isias, Azarel, Joezer tan Jasobem a kabyangan iray boleg nen Core Joela tan Zebadias ya anak nen Jeroham a taga Gedor.

⁸"Saya so kangaranan da ray bantug tan maung a sondalo a kabyangan iray tribu nen Gad ya akikasakey irad saray sondalo nen David nen sikatoy walad tirinsira ed kalawakan. Marunong iran mangikanay samper tan pika, masebeg a singa lion so nengneng na lupa ra, tan matalabit iran singa ulsad palandey.

⁹"Manlapud onona ya anggad kumalabinsakey a pangulo, sikara ya: Eser, Obadias, Eliab, Mismana, Jeremias, Atai, Eliel, Johanan, Elzabad, Jeremias, tan Macbanai.

¹⁴Opisyal iray pigarad sarayan lalakin kabyangay tribu nen Gad. Saray atagtagey et pangulo ra na tonggal libon sondalo, tan saray abebbeba et pangulo ra na tonggal lasus a sondalo.

¹⁵Diad ononan bolan na aminsan a taon, nen sinmapat ed pandel so danum na Ilog na Jordan, binaliw day ilog tan pinapabatik da ray totoon manaayam ed saray patar na sagur tan bokig na ilog.

¹⁶Aminsan linmad tirinsiran kawalaan nen David so sakey ya olup na lalakin kabyangan iray tribu di Benjamin tan Juda.

¹⁷Inabet ira nen David tan kuanto, No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.

¹⁸Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na Saray Talomplo, tan inkuanen Amasai, Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo. Maliket si David ya angawat ed sikara tan ginagawa to ran opisyal na saray sondalo to.

¹⁹Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.

²⁰Saray sondalon kabyangay tribu nen Manases ya akigampi rad kinen David nen ompapawil ed Siclag et saraya: Adna, Jezabad, Jediael, Micael, Jozabad, Eliu, tan Zilletai. Diad Manases pangulo na sanlibon sondalo so balang sakey ed sikara.

²¹Diad impanlingkur dad kinen David opisyal ira na saray sondalo to, lapud matalona ra. Insan diad arapen a panaon nagmaliw iran opisyal na saray sondalo na Israel.

²²Inagew-agew lawarin wala ray balon mikakasakey ed kinen David, kanyan nagmaliw a dakerakel so sondalo to.

²³Dakerakel iray sondalon akikasakey ed kinen David nen walad Hebron, ta mangiba rad pagmaliw ton ari ya onsalat ed kinen Saul, onung na insipan na Katawan. Say bilang da ray manlapud balang tribu et say onggendan: Juda: anem a libo tan walon lasus a lalakin dugad armas a walay samper tan pika ra; Simeon: piton libo tan sanlasus a sondalon ayadyariy inkapasal dan mibakal; Levi: apat a libo tan anem lasus a lalaki; Saray totoon nen Jeiada a kabyangan iray boleg nen Aaron; talonlibo tan piton lasus a lalaki; Saray kakanayon nen Sadoc a malangwer tan nayarin masebeg a mibabakal: duamplo tan duan pangulon lalaki; Benjamin (say dilin tribu nen Saul): talon libon lalaki (nansiansian matoor ed kinen Saul iray karaklan a totoo nen Benjamin); Efraim: duamplon libo tan walon lasus a sondalon bantug irad dilin boleg da; Kapalduay tribu nen Manases: labin walon libo a lalaki a pinili ran onla ta gawaen dan ari si David; Isacar: duanlasus a pangulo tan pati saray lalakin ipapangulo ra (lalaki ran makaamtad nepeg a gawaen na(...)

³⁸Amin da ra yan sondalo ya akaparaan a mibakal, linma rad Hebron ta tinibokel dad kanunotan da a gawaen si David a manarid intiron Israel. Akikasakey met ed sayan getma iray arum nin totood Israel.

³⁹Taloy agew irad Hebron a kaiba ray David, nanliliket iran nanaakan tan naniinom na saray imparaan da ray kabansaan da.

⁴⁰Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.