Read Pangasinan 1 SARAY AWARAN 2 Bible Online

1 SARAY AWARAN 2 - Pangasinan bible

1 SARAY AWARAN 2

¹"Labinduay lalakin anak nen Israel: di Ruben, Simeon, Levi, Juda, Isacar, Zabulon,

²"Dan, Jose, Benjamin, Neftali, Gad, tan Aser.

³"Limaran amin so lalakin anak nen Juda. Taloray anak tod kinen Bat-sua a Cananea: di Er, Onan, tan Sela. Maoges a too si Er a pangulowan ya anak to, kanyan pinatey na Katawan.

⁴"Duaray lalakin anak nen Juda ed kinen Tamar a manugang to: di Fares tan Zara.

⁵"Duaray lalakin anak nen Fares: di Hezron tan Hamul.

⁶"Limaray lalakin anak nen Zara ya agi nen Fares: di Zimri, Etan, Heman, Calcol, tan Dara.

⁷"Si Acan a lakin anak nen Carmi so angiter na desyang ed saray totood Israel, lapud impankasalanan to nen angalay asamsam a nisaklang ed Dios.

⁸"Si Etan walay sakey a lakin anak to a si Azarias.

⁹"Taloray lalakin anak nen Hezron: di Jerameel, Ram, tan Caleb.

¹⁰Saray boleg a manlapud kinen Ram ya anggad kinen Jesse et saraya: Ram, Aminadab, Naazon (say bantug a too ed tribu nen Juda),

¹¹Salmon, Booz,

¹²Obed, tan Jesse.

¹³Pitoray lalakin anak nen Jesse. Manlapud sankapangulowanan ya anggad sankayogtanan sikara yan pito: Eliab, Abinadab, Simea,

¹⁴Natanael, Radai,

¹⁵Ozem, tan David.

¹⁶Wala met so duaran anak ton bibii a di Sarvia tan Abigail. Taloray lalakin anak nen Sarvia a biin anak nen Jesse: di Abisai, Joab, tan Asael.

¹⁷Si Abigail ya anak nen Jesse inasawa nen Jeter a kabyangay boleg nen Ismael, tan walay anak dan laki a manngaray Amasa.

¹⁸Say lakin anak nen Hezron a si Caleb inasawa toy Azuba, tan walay biin anak da a manngaray Jeriot. Si Azuba taloray lalakin anak to a di Jeser, Sobab, tan Ardon.

¹⁹Kayariy impatey nen Azuba inasawa nen Caleb si Efrata, tan walay lakin anak da a manngaray Hur.

²⁰Si Hur walay anak ton laki a si Uri, tan walay apo ton laki a si Bezalel.

²¹Anemaploy taon nen Hezron nen inasawa toy anak nen Makir ya ama nen Galaad. Walay lakin anak da a manngaray Segub.

²²Si Segub walay lakin anak ton manngaray Jair. Nanoley si Jair ed duamplo tan talon siudad diad dalin na Galaad.

²³Balet adakep na saray nanarian na Gesur tan Aram so anemaplon baley, pati saray ooleyan nen Jair tan Kenat, tan saray kaliber-liber a baley. Kabyangay boleg nen Makir ya ama nen Galaad iray amin a totoon manaayam ed sarayan baley.

²⁴Kayariy impatey nen Hezron, si Caleb a lakin anak to inasawa toy Efrata ya imbalo nen ama to. Walay lakin anak da a manngaray Asur a sikatoy angiletneg na baley na Tecoa.

²⁵Limaray lalakin anak nen Jerameel a pangulowan a lakin anak nen Hezron. Say sankapangulowanan ed sikara si Ram, tan saray agagi to sikara di Buna, Orem, Ozem, tan Ahias.

²⁶Taloray lalakin anak nen Ram: di Maaz, Jamin, tan Eker. Si Jerameel walay sananey nin asawa to a manngaray Atara, tan walay lakin anak da a manngaray Onam.

²⁷

²⁸Duaray lalakin anak nen Onam; di Samai tan Jada. Duara met so lalakin anak nen Samai: di Nadab tan Abisur.

²⁹Abihail so ngaray asawa nen Abisur tan walay duaran lalakin anak da a di Ahban tan Molid.

³⁰Say agi nen Abisur a si Nadab et walay duaran lalakin anak to a di Seled tan Apaim. Anggapoy lakin anak nen Seled nen inatey.

³¹Si Apaim so ama nen Isi ya ama nen Sesan, tan si Sesan so ama nen Ahlai.

³²Duaray lalakin anak nen Jada a lakin agi nen Samai: di Jeter tan Jonatan. Anggapoy lakin anak nen Jeter nen inatey.

³³Balet duaray lalakin anak nen Jonatan: di Pelet tan Zaza. Kabyangan ira yan amin na boleg nen Jerameel.

³⁴Bibiin amin so anak nen Sesan; anggapoy laki. Walay Egipsio ya aripen to a manngaray Jarha.

³⁵Impaasawa tod sikato so sakey ed saray anak to. Walay sakey ya anak dan laki a manngaray Atai.

³⁶Saray boleg a manlapud kinen Atai ya anggad kinen Elisama saraya: Atai, Natan, Zabad,

⁴¹Jecamias, tan Elisama.

⁴²Mesa so ngaran na pangulowan a lakin anak nen Caleb a lakin agi nen Jerameel. Si Mesa so ama nen Zif, si Zif so ama nen Maresa ya ama nen Hebron.

⁴³Apatiray lalakin anak nen Hebron: di Core, Tapua, Rekem, tan Sema.

⁴⁴Si Sema so ama nen Raham tan laki nen Jorkeam. Si Rekem ya agi nen Sema so ama nen Samai.

⁴⁵Si Samai so ama nen Maon ya ama nen Bet-sur.

⁴⁶Si Caleb walay inamung ton bii a manngaray Efa, tan naanakan to na taloran lalaki a di Haran, Moza, tan Gazez. Si Haran walay lakin anak to a manngaran met na Gazez.

⁴⁷(Anemiray lalakin anak nen Jadai: di Regem, Jotam, Gesam, Pelet, Efa, tan Saaf.)

⁴⁸Si Caleb wala niy sakey ya inamung ton bii a manngaray Maaca tan naanakan to na duaran lalaki a di Seber tan Tirhana.

⁴⁹Nananak ni lamet si Maaca na duaran lalaki: si Saaf ya angiletneg na baley na Madmana, tan si Seva ya angiletneg na saray baley na Macbena tan Giba. Si Caleb wala niy anak ton bii a manngaray Acsa.

⁵⁰Kabyangan met na boleg nen Caleb ira yay onggendan: Si Hur so lakin sankapangulowanan ya anak na sanasawan Caleb tan Efrata. Si Sobal a lakin anak nen Hur so angiletneg na siudad na Kiryat-jearim.

⁵¹Si Salma a lakin anak nen Hur so angiletneg na Betlehem, tan si Haref a sakey nin anak ton laki so angiletneg na Bet-gader.

⁵²Si Sobal ya angiletneg na Kiryat-jearim so sengeg na saray totood Haroe, say kapaldua ed saray Manahetita.

⁵³Sikato met so sengeg na saray onggendan a boleg a manaayam ed Kiryat-jearim: saray Itreo, Puteo, Sumateo, tan saray Misraita. (Saray Zaraita tan saray Estaolita et kabyangan ira na sarayan boleg.)

⁵⁴Si Salma ya angiletneg na Betlehem so sengeg na saray totood Netofat, Astarot-bet-joab, tan saray Zorita a sikaray sakey ed duaran boleg ed Manahat.

⁵⁵(Manaayam ed baley na Jabes iray onggendan a boleg a marunong a mansulat tan mansakal na saray kasulatan: saray Tirateo, Simateo, tan Sucateo. Sikara yay Cineo ya akiasawa tan anga-asawa ed saray Recabita.)