Read Pangasinan 1 SARAY AWARAN 3 Bible Online

1 SARAY AWARAN 3 - Pangasinan bible

1 SARAY AWARAN 3

¹"Sikara yay lalakin anak nen David a nianak irad Hebron. Say sankapangulowanan si Amnon ya anak tod kinen Ahinoam a Jezreelita. Say kumadwa si Daniel ya anak tod kinen Abigail a Carmelita.

²"Say kumatlo si Absalom ya anak tod kinen Maaca ya anak nen Talmai ya ari ed Gesur. Say kumapat si Adonias ya anak tod kinen Hagit.

³"Say kumalima si Sefatias ya anak tod kinen Abital. Say kumanem si Itream ya anak tod kinen Egla.

⁴"Nianak ira yan amin ya anem ed Hebron legan na pitora tan kapalduay taon na impanoley nen David diman. Si David nanoley ed Jerusalem ed loob na talomplo tan taloy taon,

⁵"tan amayamay iray lalakin anak tod man. Apatiran lalaki so anak tod kinen Batseba ya anak nen Amiel: di Semea, Sobab, Natan, tan Solomon.

⁶"Wala ni ray siamiran anak ton lalaki: di Ebhar, Elisama, Elifelet,

⁷"Noga, Nefeg, Jafia,

⁸"Elisama, Eliada, tan Elifelet.

⁹"Likud ed sarayan anak nen David, wala ni ray arum a lalakin anak to ed saray inyaamung ton bibii. Wala met so anak ton bii a manngaray Tamar.

¹⁰Sikara yay kabyangay boleg nen Ari Solomon manlapud ama ya anggad anak: Solomon, Roboam, Abiam, Asa, Josafat,

¹¹Jehoram, Ahazia, Joas,

¹²Amasias, Uzias, Jotam,

¹³Acaz, Ezekias, Manases,

¹⁴Amon, tan Josias.

¹⁵Apatiray lalakin anak nen Josias a di Johanan, Joakim, Sedekias, tan Sallum.

¹⁶Duaray lalakin anak nen Joakim a di Jeconias tan Sedekias.

¹⁷Sikara yay kabyangay boleg nen Jeconias ya adakep. Pitoray lalakin anak nen Jeconias: di Sealtiel,

¹⁸Malkiram, Pedaya, Senazar, Jecamias, Josama, tan Nedabias.

¹⁹Duaray lalakin anak nen Pedaya a di Zorobabel tan Simei. Si Zorobabel so ama na duaran lalaki a di Mesullam tan Hananias, tan sakey a bii a si Selomit.

²⁰Wala niy limaran anak nen Zorobabel: di Hasuba, Ohel, Berekias, Hasadias, tan Jusab-hesed.

²¹Duaray lalakin anak nen Hananias: di Pelatias tan Jesaias. Si Jesaias so ama nen Refaias ya ama nen Arnan. Si Arnan so ama nen Obadias ya ama nen Secanias.

²²Si Secanias walay anak ton laki a si Semaya tan limaray apo ton lalaki: di Hatus, Igal, Barias, Nearias, tan Safat.

²³Taloray lalakin anak nen Nearias a di Elioenai, Ezekias, tan Azricam.

²⁴Pitoray lalakin anak nen Elioenai a di Hodavia, Eliasib, Pelaya, Acub, Johanan, Delaya, tan Anani.