Read Pangasinan 1 SARAY AWARAN 4 Bible Online

1 SARAY AWARAN 4 - Pangasinan bible

1 SARAY AWARAN 4

¹"Sikara yay pigaran kabyangay tribu nen Juda: Fares, Hezron, Carmi, Hur, tan Sobal.

²"Si Sobal so ama nen Reaya ya ama nen Jahat. Si Jahat so ama di Ahumai tan Lalad, saray sengeg na saray Zoratita.

³"Si Hur so sankapangulowanan a lakin anak nen Caleb ed kinen Efrata ya asawa to, tan saray kabyangay boleg to so angiletneg na siudad na Betlehem. Taloray lalakin anak nen Hur: di Etam, Penuel, tan Ezer. Taloray lalakin anak nen Etam: di Jezreel, Isma, tan Idbas. Walay biin anak to a manngaray Hazelelponi. Si Penuel so angiletneg na siudad na Gedor, tan si Ezer so angiletneg na Husa.

⁵"Si Asur ya angiletneg na baley na Tecoa et duaray asawa to a di Hela tan Naara.

⁶"Apatiray lalakin anak da nen Naara: di Ahuzam, Hefer, Temeni, tan Naahastari.

⁷"Taloran lalaki so anak di Asur tan Hela: di Zeret, Izhar, tan Etnan.

⁸"Si Coz so ama di Anub tan Zobeba, tan sikato so sengeg na saray kabyangay boleg nen Aharhel a lakin anak nen Harum.

⁹"Walay lakin manngaray Jabes; sikatoy anak a gagalangen nen saray agagi to. Inngaran nen ina to na Jabes, lapud nairapan a maung ed impangyanak tod sikato.

¹⁰Nampikasiy Jabes ed Dios na Israel, Bindisionan mo ak pa, O Dios, tan itdan mo ak pay maawang a dalin. Ibaan mo ak pa tan iyagel mo ak ed maoges pian ag ak napasakitan. Et inter na Dios iray kinerew to.

¹¹Si Caleb, a lakin agi nen Suha, et walay lakin anak to a si Mehir. Si Mehir so ama nen Eston.

¹²Taloray lalakin anak nen Eston: di Bet-rafa, Pasea, tan Tehina. Si Tehina so angiletneg na siudad na Nahas. Sikara yay sengeg na totoon nanayam ed Reca.

¹³Duaray lalakin anak nen Kenaz: di Otniel tan Seraya. Duara met so lalakin anak nen Otniel: di Hatat tan Meonotai.

¹⁴Si Meonotai so ama nen Ofra. Si Seraya so ama nen Joab ya angiletneg na Ge-harasim a dimay panaayaman na saray totoon marunong a kumikimey.

¹⁵Taloray lalakin anak nen Caleb a lakin anak nen Jefone: di Iru, Ela, tan Naam. Si Ela so ama nen Kenaz.

¹⁶Apatiray lalakin anak nen Jehalelel: di Zif, Sifa, Tiria, tan Asarel.

¹⁷Apatiray lalakin anak nen Ezra: di Jeter, Mered, Efer, tan Jalon. Inasawa nen Mered si Bitia ya anak na ari ed Egipto; walay sakey a biin anak da a si Miriam, tan duaray lalakin anak da a di Samai tan Isba. Si Isba so angiletneg na baley na Estemoa. Inasawa met nen Mered so sakey a biin kabyangay tribu nen Juda, tan taloray lalakin anak da a di Jered ya angiletneg na baley na Gedor, Heber ya angiletneg na baley na Soco, tan Jecutiel ya angiletneg na baley na Zanoa.

¹⁹Inasawa nen Hodias so agi nen Naham. Saray kabyangay boleg da so sengeg na saray Garmita a nanayam ed baley na Ceila, tan saray Maacatita a nanayam ed baley na Estemoa.

²⁰Apatiray lalakin anak nen Simon: di Amnon, Rina, Benhanan, tan Tilon. Duaray lalakin anak nen Isi: di Zohet tan Ben-zohet.

²¹Si Sela et sakey ed saray lalakin anak nen Juda. Saray kabyangay boleg to et di Er ya angiletneg na baley na Leca; Laada ya angiletneg na baley na Maresa; saray pamilya na saray managinaramey na linen a nanayam ed baley na Asbea;

²²Jokim tan saray totoon nanayam ed baley na Cozeba; Joas tan Seraf ya angasawa rad saray bibiin Moabita, insan ira pinmawil ed Betlehem. (Abaybayag lan maung ira yan awaran.)

²³Nanayam irad saray baley na Netaim tan Gedera; manlilingkur irad ari diad panggagawa ray banga.

²⁴Limaray lalakin anak nen Simeon: di Nemuel, Jamin, Jarib, Zera, tan Saul.

²⁵Say lakin anak nen Saul et si Sallum, say lakin apo to et si Mibsam, tan say lakin apo tod pueg et si Misma.

²⁶Si Misma so ama nen Hamuel. Si Hamuel so ama nen Zacur ya ama nen Simei.

²⁷Labinanem a lalaki tan anemiran bibii iray anak nen Simei, balet daiset so anak na saray kakanayon to. Kanyan ag dinmakel iray kabyangay tribu nen Simeon, aliwan singa indakel na saray kabyangay boleg nen Juda.

²⁸Sarayay onggendan a baley so nanaayaman da ray kabyangay boleg nen Simeon: Beer-seba, Molada, Hazarsual,

²⁹Bilha, Ezem, Tolad,

³⁰Betuel, Horma, Siclag,

³¹Bet-marcabot, Hazarsusim, Bet-biri, tan Saaraim. Sikara yay boleg a nanaayaman da, anggad inggapo na impanoley nen ari David.

³²Nanayam met ni rad saray onggendan a limaran lugar: Etam, Ain, Rimon, Token, tan Asan,

³³tan diad saray kaliber-liber dan bario ya anggad abalaten a sagur na baley na Baal. Sikara yay insinup dan listaan na saray pamilya ra tan saray lugar a nanaayaman da.

³⁴Pangulo na saray boleg da iray onggendan a lalaki: Mesobab, Jamlec, Josa ya anak nen Amasias,

³⁵Joel, Jehu (ya anak nen Josibias, ya anak nen Seraya ya anak nen Asiel),

³⁶Elioenai, Jaacoba, Jesohaya, Asaya, Adiel, Jesimiel, Benaya,

³⁷Ziza (ya anak nen Sifi ya anak nen Allon; si Allon so anak nen Jedaya ya anak nen Simri ya anak nen Semaya).

³⁸Sikara yay lalakin pangulo na saray boleg da. Lapud ondarakel lan ondarakel so kabyangay pamilya ra,

³⁹kinmayat irad bandad sagur ya angga lawarid Gerar, tan impapastol da ray karniro ra diad bokig na patar a kawalaay siudad.

⁴⁰Akalmo rad may amayamay a mabonan pastolan diad maawang ya alog, mareen tan arawid kaatapan. Saray Hamita so nanayam diman nen saman.

⁴¹Diad panaon nen Ezekias ya arid Juda, linmad Gerar iray lalakin asalita la. Dinederal da ray tulda tan pinapatey da ray Meunim ya asabian dad man. Nansiansia rad man a nanayam, lapud walay pangipastolan dad saray karniro ra.

⁴²Linmad palandey na Seir iray liman lasus a kabyangay tribu nen Simeon. Saray angipangulo ed sikara et saray lalakin anak nen Isi a di Pelatias, Nearias, Refaias, tan Uziel.

⁴³Pinapatey dad man iray akeraan ya Amalecita tan manlapud saman nanayam la rad man.