Read Pangasinan JOB 17 Bible Online

JOB 17 - Pangasinan bible

JOB 17

¹"Magano lay pangangga na bilay ko; wala ak la ed sangaban na lobuk.

²"Bambantayan koy ontan lan pait na panagbalaw da ray totoo ed siak.

³"Ag ak mantitila, O Dios. Sisiam iray ibabagak. Anggapoy arum a mamaneknek ed ibabagak.

⁴"Sikay angikaput na kanunotan da kanyan ag ira makatalus; ag mo pa aabuloyan a sikaray manalo ed siak natan.

⁵"Ibabaga na samay daan ya oliran a say toon palikdoen toy kakaaro to lapud kuarta, manirap iray anak to lapud saya.

⁶"Natan saray totoo ikakana ra yan oliran sumpad siak; saray totoo ondarago ran onlulukda ed lupak.

⁷"Korarap so pakanengneng ko lapud kaermenan; singa toruk la ray taklay ko tan saray salik.

⁸"Mankelaw iray ipapasen day sikaran dili a matonung, tan ipapakasalanan dad siak ya anggapoy Dios ko.

⁹"Saray ipapasen day sikaran dili a maptek laloy panisia ra a sikaray duga.

¹⁰Balet no ondago ran amin a manalagey ed arap ko, anggapod sikaray makabat a narumog ko.

¹¹Linmabas lay panaon ko; aderal iray planok; naandi lay ilalok.

¹²Balet ibabaga na saray kakaarok ya agew so labi; ibabaga ran asingger lay liwawa, balet amtak a kabilongetan so kawalaan ko nin siansia.

¹³Say ilalok labat say pasen a panaayaman da ray inaatey, a dimay dokulan kon onogip ed kabilongetan.

¹⁴Ibagak a say lobuk so amak, tan saray bigis a mangay laman ko sikaray inak tan bibiin agagik.

¹⁵Iner ni sirin so kawalaay ilalok? Siopay makanenengneng a walay ilalok?

¹⁶Ag milad siak so ilalo no onla ak ed pasen a panaayaman da ray inaatey.