Read Pangasinan JOB 21 Bible Online

JOB 21 - Pangasinan bible

JOB 21

¹"Inmebat si Job:

²"Dengel yon maung so ibagak sikato ya labat so ligliwan kerewen kod sikayo.

³"Itdan yo ak ni na pankanawnawan mansalita, et no kayarik balaw yo ak labat, no labay yo.

⁴"Aliwan say too so kakokol ko; walay manepeg a makasenged no akin et ag ak makaanos.

⁵"Nengneng yo ak. Ag ta la makatalagnaw tan makamemet na sangi so nanengneng yo?

⁶"No nudnunoten koy agawad siak, nagugunigon ak tan mampayegpeg so laman ko.

⁷"Akin et aabuloyan na Dios a mambilay na andokey iray totoon maoges, ombiskeg tan onaligwas ira?

⁸"Naimatonan dan ombabaleg iray anak da tan saray apo ra.

⁹"Ag iiyabuloy na Dios a naderal so kaabungan da; anggapoy nepeg dan takotan ed pambilay da.

¹⁰On, manlolokun iray baka ra, tan manaanak iran anggapoy maoges a nagagawa.

¹¹Singa kordiron batik-batik tan manggagalaw iray anak da,

¹²mansasayaw tan manliliket ira legan a totogtogen iray arpa tan plauta.

¹³Maaligwas ira legay pambilay da, tan mareen ira no naoyus so linawa ra.

¹⁴Saray totoon maoges ibaga rad Dios a paolyan to ran bukbukor; ag da labay ya amtaen so linawa tod bilay da.

¹⁵Isipen da ya ag nakaukolan so manlilingkur ed Dios, tan andi-kana so mampikasi ed sikato.

¹⁶Ipasen da ya inmaligwas ira lapud dilin biskeg da, balet ag ko abubonan so ontan a pananisia ra.

¹⁷Amimpiga lan narep so lamparaan na saray maoges a totoo? Wala lay dinalan na deral ed sikara? Dinusa ta la na Dios ed pasnuk to iray totoon maoges,

¹⁸tan impagmaliw to ran singa taep ya impalir-palir na dagem, odino dabuk ya intitikyab na bagyo?

¹⁹Ibabaga yo a say Dios dusaen toy anak lapud saray kasalanan na ama to. Andi! Padusa yod Dios iray makasalanan, tan ipanengneng tod sikara a dusaen to ra lapud saray dilin kasalanan da.

²⁰Ipaako yod saray makasalanan so dusa ran dili; ipalikna yod sikara so sanuk na Makapanyarin-amin a Dios.

²¹No anggangga lay bilay na sakey a too, mapaga ni kasi ed pankaabigan da ray anak to?

²²Nayari kasin ibangat na too so Dios a huis na anggan saray atagey so betang da?

²³Wala ray totoon maung so impanlaman da ya anggad ipatey da; mainomay tan maliket iran ompatey, balibali tan mabiskeg so laman da.

²⁵Saray arum anggapon balut so liket da; mambilay tan ompatey iran maermen.

²⁶Balet nampapara ran ompatey tan ipompon; kanen iran amin na saray bigis.

²⁷Amtak no antoy nununoten yo, tan say plano yon manggaway maoges ed siak.

²⁸Tepeten yo, Iner so kawalaan la natan na abung na matalonggaring a too, samay toon maoges so ginagawa to?

²⁹Ag kayo ta ni akapitongtong ed saray totoon managbiahi? Ag yo ta amta so awit dan balita?

³⁰Diad agew na isabiy pasnuk tan pananusa na Dios, say toon maoges so nilaban lawas.

³¹Anggapoy mangakusa ed maoges a too, tan ombales sed sikato lapud saray ginagawa to.

³²No sikatoy itolur ed kamposanto diad kawalaay lobuk ton guardiado,

³³nilibo ray mitolor ed sikato, tan anggan say dalin balibalin nitapew ed bangkay to.

³⁴Balet sikayo, andi-kakanaan so panliligliwa yod siak! Tilan amin iray ebat yo!