Read Pangasinan JOB 22 Bible Online

JOB 22 - Pangasinan bible

JOB 22

¹"Inmebat si Elifaz:

²"Wala tay too, anggan sikatoy sankakabatan, a nayarin makana ed Dios?

³"Manliket kasiy Dios lapud matonung ka, odino wala kasiy nagunggona to no anggapoy pakabalawan ed panagbilay mo?

⁴"Aliwan lapud walay takot mod Dios so makasengeg na pamapasnuk tan panisintinsia tod sika.

⁵"Andi, no ag ingen lapud dakerakel iray kasalanan mo, tan lapud ag ontonday kaogsan mo.

⁶"Pian makabayar so agim ya akautang ed sika, inalam iray kawes to kanyan anggapoy nisolung to.

⁷"Ag mo initdan na inomen iray naksawan, tan ag mo initdan na nakan iray narasan.

⁸"Inkanam so pakayarim tan kipapasen mo pian naalam so intiron dalin.

⁹"Ag mo tinulongan iray balon bibii a sinmisingger ed sika; tinatakewan tan pinapairap mo ray olila.

¹⁰Kanyan natan aliber ka na saray patit, et biglan mapalaloy kataktakot mo.

¹¹Binmilonget kanyan ag ka makanengneng, et tabunan kay danum na delap.

¹²Ag ta manaayam ed sankatageyan a tawen so Dios, tan ososdongan to ray bitewen anggaman ya atagtagey ira?

¹³Balet tetepeten mo, Antoy amta na Dios? Asaniban na lorempanoy pakapansintinsia tod sikatayo?

¹⁴Abaloan mo ya ag makanengneng so Dios, ta asaniban na makapal a lorem, legan a manaakar ed tapew na tambobung na tawen.

¹⁵Mansiansia kan mankurang ed dinadalan na saray totoon maoges?

¹⁶Kasakbayan na insabiy panaon da, sinmabiy delap ya angyanur ed sikara.

¹⁷Sikara yay totoon angipolisay ed Dios tan inisip dan anggapoy nagawaan tod sikara.

¹⁸Balet diad tuay tua say Dios so amaaligwas ed sikara ag ko natalusan iray kanunotan da ray totoon maoges.

¹⁹Maliket iray maung a totoo tan makakalek iray matonung no nanengneng dan nadusa ray totoon maoges.

²⁰Ikuanda, Aderal so kayamanan da ray totoon maoges, tan pinadapul na apoy so antokaman nin nakdaan.

²¹Job, mipulangan ka la natan ed Dios tan ag mo la ipapasen a kalaban mo; no gawaen moy onya, bindisionan to ka.

²²Awat moy bangat ya iiter to; iyan mod pusom iray salita to.

²³On, nepeg kan ompawil a sipapaabeba ed Dios, tan ekal mo lay amin a kaogsan a nagagawad dalem na abung mo.

²⁴Ibantak mo ray balituk mo; tan ibasuram ed nakatan a kelas iray sankaabigan a balituk mo.

²⁵Ipasen mo lan say Makapanyarin-amin a Dios so balituk mo tan sankaabigan a pilak mo.

²⁶Diad ontan manmatalek ka lawas ed Dios tan narumog mo a sikatoy sobul na gayagam.

²⁷No mampikasi ka, ebatan to ka, et diad ontan sumpalen mo ray sipan mo.

²⁸Onaligwas ka ed amin a gawaen mo, tan onsindag so liwawa ed dalan mo.

²⁹Paabebaen na Dios iray mapaatagey tan iyagel to ray mapaabeba.

³⁰Iyagel to ka no anggapoy kasalanan mo, no say kaptekan so gawaen mo.