Read Pangasinan JOB 23 Bible Online

JOB 23 - Pangasinan bible

JOB 23

¹"Inmebat si Job:

²"Manriklamo ak ni sumpad Dios; ag ko nitepel so ag manngesnges lapud pamapairap tod siak.

³"Oy la komun ta amtak so pananapan kod sikato, tan amtak no panoy pakakar kod kawalaan to.

⁴"Mipalinewan ak ed sikato, tan ipaliwawak ya amin so katunongan ko.

⁵"Labay kon amtaen no antoy ibaga tod siak, tan no panoy iyebat to.

⁶"Ipakana na Dios kasi so intiron biskeg to sumpad siak? Andi, ondengel no mansalita ak.

⁷"Maptek so panagbilay ko; nayarian koy mipalinewan ed Dios; ibawag tod satan ya anggad angga ya anggapoy kasalanan ko.

⁸"Nananap ak ed Bokig, balet andid man so Dios; tan ag ko arumog nen inanap kod Sagur.

⁹"Say Dios nankimey ed Baybay tan diad Sagur, balet siansian ag ko anengneng.

¹⁰Anggaman ontan amta toy kurang ko; no sobuken to ak narumog ton malinis so panagbilay ko.

¹¹Matoor kon totombuken so pinili tod dalanen ko, tan ag ak balut onsuasuawi.

¹²Oonuren ko lawas iray Ganggan na Dios; susumpalen koy linawa to, aliwan say dilin labay ko.

¹³Sikatoy ag balut mangoman. Anggapoy makasumlang ed sikato odino makabaat ed labay ton gawaen.

¹⁴Sumpalen toy getma to nipaakar ed siak; sayan getma to et sakey ed saray amayamay a getma to.

¹⁵Manggiwgiw ak ed takot no wala ak ed arap to.

¹⁶Pinakapoy na Makapanyarin-amin a Dios so linawak. Say Dios, aliwan say kabilongetan, so mamapatakot ed siak anggaman a binulag ak na bilonget.