Read Pangasinan JOB 27 Bible Online

JOB 27 - Pangasinan bible

JOB 27

¹"Inmebat si Job:

²"Isambak ed ngaran na mabilay a Makapanyarin-amin a Dios, ya angekal na kanepegan ko tan amapait na bilay ko

³"legan a paingasen ak na Dios;

⁴"say bibil ko ag mangibalikas na antokaman a maoges; say dilak ag mantila.

⁵"Ag kon balut ibaga a sikayo so duga; legan a mabilay ak ipasoot kon anggapoy kasalanan ko.

⁶"Anggan kapigan italindeg ko a wala ak ed katonungan; malinis so konsinsiak ed kapigan man.

⁷"Amin iray onsusumpa tan onlalaban ed siak, nadusa ra komun a singa kanepegan da ray totoon maoges tan aliwan matonung.

⁸"Antoy ilalo na toon anggapoy Dios to, no babawien la na Dios so bilay to?

⁹"No gunigon so onsabid sikato, dengelen kasi na Dios so itawag to?

¹⁰Nampilalekan to komun so liket ya iiter na Dios, tan nampikasi lawas komun ed sikato.

¹¹Aboluyan yo ak a mangibangat ed sikayoy ontan lan kabaleg na pakayari na Dios, tan mangipaliwawa na ginetma na Dios a Makapanyarin-amin.

¹²Balet andi la, ta anengneng yo met lamlamang; akin sirin et mansasalita kayoy andi-kakanaan? [Inmebat si Zofar]

¹³Onya so panusa na Makapanyarin-amin a Dios ed maoges tan managpairap a too.

¹⁴Nayarin nawalaan na amayamay ya anak a lalaki, balet napatey iran amin ed bakal; kulang lawas so tagano da ray anak to.

¹⁵Ompatey ed salot iray makaligtas ed bakal, et ag manermen iray anggan kaasawaan da.

¹⁶Nayarin daakan so pilak na toon maoges, tan dakerakel iray kawes to;

¹⁷balet isolung na saray totoon matonung iray kawes to, tan apagen na saray anggapoy kasalanan iray pilak to.

¹⁸Singa abung na genggeng so abung ya ipaalagey na toon maoges, odino singa alolung ed alog a panagbantayan na sakey aripen.

¹⁹Onogip a mayaman no maminsan a labi, et kabangon tod kabwasan anggapo lay kayamanan to.

²⁰Onsabid sikatoy takot a singa biglan delap; say alimbuasabos ed labi itikyab tod arawi;

²¹say dagem a manlapud bokig so mangyarawid sikatod abung to;

²²onsiplug ed sikato ya andi-panangasi, legan a gagawaen toy anggaay nayarian ton onarawi.

²³Mambanesbes ya ombasig so dagem ed sikato legan ya ombabatik, tan patakoten to lapud pakayari ton manderal.