Read Pangasinan JOB 35 Bible Online

JOB 35 - Pangasinan bible

JOB 35

¹"Job, anggapoy katonungan mon mangibaga ya anggapoy kasalanan mod arap na Dios,

³"odino tepeten mod Dios, Antoy walad sika no mankasalanan ak? Anggapoy kaabigan a nalak diad ag ko impankasalanan.

⁴"Ebatan ta ka tan saray kakaarom.

⁵"Tangay moy tawen! Nengneng mo so ontan lan kaatagey na saray lorem!

⁶"No mankasalanan ka, ag nasakitan so Dios. No mamimpiga-piga kan manggaway kaogsan, liknaen kasi na Dios?

⁷"No matonung ka, antoy nitulong mod Dios? Anggapoy nakaukolan na Dios ed sika.

⁸"Saray kaparam a totoo so manirap lapud saray kasalanan mo, tan sikaray natulongan lapud kaabigan mo.

⁹"No saray totoo et napapairap ira, onngengesnges ira; onkekerew irad siopaman a makapangilaban ed sikara.

¹⁰Balet ag ira onsisingger ed Dios ya amalsa ed sikara, anta sikatoy makapangiter ed sikara na ilalo no mapalaloy kagugunigon da.

¹¹Ag ira onsisingger ed Dios ya angiter ed sikatayoy kakabatan a matalona, nen say kakabatan na anggan dinan ya ayep o manok.

¹²Onkekerew iray tulong, balet ag ira ebatan na Dios lapud mapaatagey tan maoges iran totoo.

¹³Andi-kakanaan so ikekerew day tulong; ag ira iimanoen o dengelen na Makapanyarin-amin a Dios.

¹⁴Job, ibabagam ya ag mo nanengneng so Dios; balet mananos kan manalagar, ta wala lad lima toy kasom.

¹⁵Say abaloan mo ag manusa so Dios, tan anggapoy walad sikatoy kasalanan.

¹⁶Job, andi-kakanaan so pangituloy moy pansasalitam; malinlinew ya ag mo amtay sasalitaen mo.