Read Pangasinan JOB 7 Bible Online

JOB 7 - Pangasinan bible

JOB 7

¹"Say bilay na too singa pinasoot a panaglingkur na sondalo, singa bilay na pinasyan panagtrabaho.

²"Singa sakey ya aripen a pampilpilalekan toy ambetel a siroman; singa sakey a kumikimey a mantatalaran na upa to.

³"Binulan-bulan ya anggapoy kabaliksay bilay ko; nilabi-labi ya ontan lay paneermen ko.

⁴"No ondokul ak lan onogip, andokorokey so labi; pigar-pigar ak a sanlabi ya anggad palbangon.

⁵"Napnoy bigis so laman ko; napno na kegang; onaagos so nena ed saray girik.

⁶"Onlalabas iray agew ko ya anggapoy ilalok, maples ya onlalabas nen say panaglaga na makinan gawaay abel.

⁷"Nudnunot mo, O Dios, a singa labat ingas so bilay ko; nansamput lay liket ko.

⁸"Sankanengneng mo ak natan balet ag mo la napidua. No anapen mo ak naandi ak la.

⁹"Say lorem onlabas, et kabebekta ag mo la nanengneng; ontan met so too: ompatey insan ag la ompawil; nalingwanan la na amin da ray makapikabat ed sikato.

¹⁰Ag ko nayarian so ag onesel, Ampetang so olok tan ansakit so linawak. Nepeg a mansalita ak.

¹²Akin et guaguardiaan mo ak? Sakey ak sirin a dragon na dayat?

¹³Ondokul ak ta labay koy mampainawa; mananap ak na pakainawaan kod liliknaen ko.

¹⁴Balet sikatataktakoten mo ak diad panamegley na saray kogip, tan diad panamegley na saray pasingayew,

¹⁵anggad lablabayen ko lay ompatey a tinikel nen say mambilay ya onya lamlamang so laman ko.

¹⁶Ag ko la labay so mambilay; onsasawa ak lan talaga. Taynan mo ak lan bukor, ta anggapoy kabaliksan so bilay ko.

¹⁷Akin et papablien mo so too? Akin et iimanoen moy gagawaen to?

¹⁸Bibisitaen mon kinabwasan tan kapag bekta susuboken mo.

¹⁹Lingaw ka pan magano pian naakmon koy ilol ko.

²⁰Akin et nasakitan ka no mankasalanan ak, sikan managbantay ed saray totoo? Akin et impagmaliw mo ak a kekenaen mo? Makabelbelat ak ta ed sika?

²¹Ag mo tan balut napirdonay kasalanan ko? Ag mo ta napaandi so kaogsan a gagawaen ko? Ag mabayag wala ak lad lobuk, et anggapo ak la no anapen mo ak.