Read Pangasinan Salmo 101 Bible Online

Salmo 101 - Pangasinan bible

Salmo 101

¹"Nipaakar ed inkatonung tan inkatoor yan kantak; et sika, O Katawan, so pangakantaan ko.

²"Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

³"tan ag kon balut abuloyay kaogsan. Kabosul koy gagawaen da ray totoon onaarawid Dios; anggapoy pibabalik ed sikara.

⁴"Ipolisay ko ray maoges a kanunotan tan ag ko mibiang ed kaogsan.

⁵"Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

⁶"Manliket ak ed saray matoor ed Dios tan panayamen ko rad palasiok. Naabuloyan a manlingkur ed siak iray nagnap a napanmatalkan.

⁷"Anggapoy managpalikdon manayam ed palasiok; anggapoy mansimpisimpitan a magnayon ed arap ko.

⁸"Kinabwasan a deralen ko iray totoon maoges ed dalin tayo. Papawayen kod siudad na Katawan iray amin a managgaway kaogsan.