Read Pangasinan Salmo 104 Bible Online

Salmo 104 - Pangasinan bible

Salmo 104

¹"Idayew moy Katawan, O kamarerwak! O Katawan a Dios ko, agaylay talonggaring mo! Akawesan kay dayew tan kagalangan,

²"tan nilimbus moy sikan dili na liwawa. Inyaplag mon singa tulda iray katawenan,

³"tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

⁴"Gagawaen mo ran ibabakim so dagem; gagawaen mo ran aripen mo so kirmat.

⁵"Malet so impangiletneg mod mundo diad saray pundasion to, et ag balut nagalaw.

⁶"Intapew mon singa kawes so dayat ed mundo, tan sinakubay danum iray kapalandeyan.

⁷"Nen nampasnukan mo ray danum, batik ira; nen nadngel day ingal mon nangganggan, koyat ira.

⁸"Inmagos irad tapew na kapalandeyan, insan diad saray patar, diad pasen a ginawam a para sikara.

⁹"Nanggawa kay ketegan ya ag dan balut nalabsanan, pian ag da la nasakuban so intiron mundo lamet.

¹⁰Papaagosen mod saray patar iray sobul, tan managagos ed nanleleetan da ray kapokdulan so danum na saray ilog.

¹¹Mangiiter ira na danum ed saray ayayep ed katakelan; diman so pangeekalan na saray asnod katakelan na inkapgaan da.

¹²Diad saray kiew ed kaliber-liber, manggagaway obung iray manok tan mankankanta ra.

¹³Manlapud tawen, ipepelag moy oran ed saray kapokdulan, et napapano na bindision mo so dalin.

¹⁴Patutuboen mo ray dikarika a pambilay na saray ayayep tan saray tantanaman ya ikakana na katoowan, pian makapantanem iray pambilay da

¹⁵tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

¹⁶Napepenek na danum iray kiew a sidro na Libano, saray kiew a kayaryan tan intatanem na Katawan.

¹⁷Diman manoobung iray manok ed tagey; saray dulakak manoobung irad saray kiew ya igos.

¹⁸Manaayam ed saray atagey a palandey iray kanding ed katakelan, tan manaamut ed saray ankakabaleg a kabatowan iray koniho.

¹⁹Pinalsam so bulan a panandaay pansalat na panaon; amta na agew so oras na iselek to.

²⁰Ginawam so labi, et no ambilonget la, ompaway iray ayayep ed katakelan.

²¹Mangwam iray kilaw a lion, no liber-liber iran mananap na kakanen ya iiter na Dios.

²²No ompaway lay agew ompawil ira, tan ondokul irad saray panaayaman da.

²³Insan saray totoo onla la rad kimey da tan mankimey ira ya anggad isabiy labi.

²⁴Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

²⁵Walay dayat, maawang tan balbaleg, a panaayaman da ray ag nabilang a pinalsa, melag o baleg man ira.

²⁶Mambiabiahid tapew to iray bapor, tan manggagalaw ed dalem to so Libiatan, say pinalsam a dragon ed dayat.

²⁷Sikay panmamatalkan dan amin a mangiter ed sikaray tagano no nakaukolan da.

²⁸Iitdan mo ra, et kakanen da; iiter moy tagano ra, et napepesel ira.

²⁹No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

³⁰Balet no itdan mo ra na ingas mo, napalsa ra; papasimbaloen moy bilay na dalin.

³¹Mansiansian anggad angga komuy kagalangan na Katawan! Panliketan komun na Katawan iray ginagawa to!

³²Onnenengneng ed dalin so Katawan, et onggigiwgiw; didiwiten to ray kapalandeyan, et onaasewek ira.

³³Kantaan koy Katawan legay pambilay ko; daput mambibilay ak kantaan ko na saray dayew so Dios ko.

³⁴Pakaliketan to komuy kantak, ta manlalapud sikato so gayagak.

³⁵Naderal komud tapew na dalin iray makasalanan; naandipat la ra komuy maoges a totoo. Idayew moy Katawan, sikan kamarerwak! Idayew yoy Katawan!