Read Pangasinan Salmo 138 Bible Online

Salmo 138 - Pangasinan bible

Salmo 138

¹"Katawan, misasalamat ak ed sika ed intiron pusok; Kakantaan ta kay panangidayew diad arap da ray diriyos.

²"Ondadakmomo ak ed arap na masanton Timplom tan idadayew koy ngaran mo, lapud ag mangoman a panangarom tan katooran mo, ta impanengneng mon sankatageyan so ngaran mo tan saray ganggan mo.

³"Inebatan mo ak nen tinmawag ak ed sika; pinabiskeg mo ak na pakayarim.

⁴"Katawan, idayew kay amin ya ararid dalin, ta nadngel da ray sipan mo.

⁵"Ikanta ray nipaakar ed ginagawam tan say nipaakar ed baleg a kagalangan mo.

⁶"Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

⁷"Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.

⁸"Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.