Read Pangasinan Salmo 20 Bible Online

Salmo 20 - Pangasinan bible

Salmo 20

¹"Ebatan ka komuy Katawan no nagugunigon ka! Iyagel ka komuy Dios nen Jacob!

²"Iter to komud sikay tulong a manlapud Timplo to, tan salimbeng a manlapud Palandey na Sion.

³"Awaten to komun ya amin iray isaklang mo tan napaliket ed amin da ray ibagat mo.

⁴"Iter to komun iray pampipilalekan mo tan pampalaboen to ray iplaplanom.

⁵"Diad satan maneyag itayod liket tan silibraan tayoy impanalom diad pangidayew ed Dios tayo. Iter komun na Katawan ya amin iray kerew mo!

⁶"Natan amtak a say Katawan et panataloen toy pinili ton ari; eebatan to manlapud masanton tawen, tan diad panamegley na pakayari to, iitdan to na saray baleg a pananalo.

⁷"Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

⁸"Natumba tan napelag ira yan totoo, balet ombangon tan mabisbiskeg itayon onalagey.

⁹"Panalom pay ari, O Katawan; ebatan mo kami pa no ontawag kamid sika.