Read Pangasinan Salmo 24 Bible Online

Salmo 24 - Pangasinan bible

Salmo 24

¹"Kayaryay Katawan so mundo tan amin a logan to; kien toy dalin tan amin a manaayam ed dalin.

²"Inletneg tod aralem a danum diad dalem na dalin tan inlira tod dalem na dayat iray pundasion to.

³"Siopay manepeg ya onkalab ed palandey na Katawan? Siopay nayarin onloob ed masanton Timplo to?

⁴"Saray totoon malinis so gawa ra tan say kanunotan da, ag ira mangigagalang ed saray diriyos, tan ag da isisipan so ag da nagawaan.

⁵"Say Katawan bindisionan tan ilaban to ra; say Dios ibawag to ran anggapoy kasalanan.

⁶"Sikarayan totoo so onsisingger ed Dios, tan oonlad arap na Dios nen Jacob.

⁷"Ilokas yoy maawang iray puirta, ilokas yo ray kadaanan a kaput, ta onloob so matalonggaring ya ari!

⁸"Siopa yan matalonggaring ya ari? Say Katawan a mabiskeg tan makapanyari, say Katawan a mananalo ed bakal!

⁹"Ilokas yoy maawang iray puirta, ilokas yo ray kadaanan a kaput, ta onloob so matalonggaring ya ari!

¹⁰Siopa yan matalonggaring ya ari? Say Katawan a makapanyarin-aminsikatoy matalonggaring ya ari!