Read Pangasinan Salmo 32 Bible Online

Salmo 32 - Pangasinan bible

Salmo 32

¹"Maliket iray totoon apirdona la ray kasusumlang da tan apaandi la ray kasalanan da.

²"Maliket so too a say Katawan et ag to aakusaen a nanggaway kaogsan tan anggapod puso to so antokaman a panamalingo.

³"Nen ag ko ni impatwa ray kasalanan kod sika, Katawan, makapkapoy ak lapud impanaakis kon inagew-agew.

⁴"Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

⁵"Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

⁶"Kanyan amin a matoor a totoom et nepeg day mampikasid sika no panaoy pankaukolan; no onsabiy baleg a delap na gunigon, ag nasabiy kawalaan da.

⁷"Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

⁸"Kuay Katawan, Iwanwan ta kad dalan a nepeg mon tombuken; ibangat tan simbawaan ta ka.

⁹"Ag yo aaligen so anggapoy kalakal a kabayo o mulo, a pakalatan tan rindaan pian napatoluk.

¹⁰Amayamay so panirapan na totoon maoges, balet saray manmamatalek ed Katawan iyaagel iray ag mangoman a panangaro to.

¹¹Sikayo ran totoon matonung, manliket tan manggayaga kayo, lapud saray ginagaway Katawan! Amin yon matoluk ed sikato, iyeyag yoy liket yo!