Read Pangasinan Salmo 39 Bible Online

Salmo 39 - Pangasinan bible

Salmo 39

¹"Inkuanko, Apigeren ko ray kagagawak tan ag ko iyabuloy a pankasalananen ak na dilak; ag ak mansalita na anggan anto, no walad kaliber-liber ko ray totoon maoges.

²"Nandeen ak tan ag ak inmeseesel; ag ak nansalita na anggan say nipaakar ed kamaungan! Balet lalon mandenden so kairapan ko,

³"tan mapagpaga ak. Diad pannununot kon maung, lalon dinmendey gunigon ko; ag ko la napokpokay onkerew na onya:

⁴"Katawan, kaonungan niy pambilay ko? Kapigay ipatey ko? Ibagam pad siak no kapigay pansamput na bilay ko?

⁵"Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

⁶"singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

⁷"Anto sirin, Katawan, so nayarian kon panilaloan? sika so paniilaloan ko.

⁸"Ilaban mo ak pad amin da ray kasalanan ko, tan ag mo pa iyaabuloy a ludlureyen ak na saray totoon makulang-kulang.

⁹"Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

¹⁰Ag mo ak pa la dudusaen! Ngalngali ak la ompatey lapud panagkabil mod siak.

¹¹Dudusaen mo ray kasalanan na too diad panamegley na panagpasnuk mo, tan dederalen mon singa bigis iray bengatlan labalabay to. Tuan say too et singa labat siplug na dagem!

¹²Dengel mo pay pikakasik, Katawan, tan talineng moy tagleey ko; tulongan mo ak pa no mannangnangis ak. Magano labat a sangkailim ak a singa saray lalakik.

¹³Paolyan mo ak pan manbukbukor pian wala met so liket ko, kasakbayay itaynan tan iyandipat ko diad mundo.