Read Pangasinan Salmo 6 Bible Online

Salmo 6 - Pangasinan bible

Salmo 6

¹"Katawan, ag mo ak pa pamapasnukan lapud petang na olom! Ag mo ak pa dudusaen lapud pasnuk mo!

²"Kasian mo ak pa, O Katawan, ta mapalaloy kakairapan ko! Pabiskeg mo ak pa, ta makapkapoy ak la;

³"tan ontan lay kagugunigon ko. Kapigay itulong mod siak, Katawan?

⁴"Singgeran mo ak pa, Katawan, tan ilaban mo ak; iyagel mo ak pa, lapud ag mangoman a panangarom.

⁵"Diad pasen a panaayaman da ray inaatey, ag ka la nanunotan; anggapo lad may makapangidayew ed sika!

⁶"Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

⁷"Ngalngalin ag ak la makanengneng; linmalarag la ray matak diad panaakakis ko lapud amin da ray kalaban ko.

⁸"Arawian yo ak, amin yon managgaway kaogsan: Dedengelen ak na Katawan ed pannangnangis ko;

⁹"tatalinengen to ak ed pikekerew koy tulong tan ebatan to ray pikakasik.

¹⁰Nabaingan ya amin iray kalaban ko tan mapalaloy kagunigon da; diad biglan kagewgew da, napagit ira.