Read Pangasinan Salmo 61 Bible Online

Salmo 61 - Pangasinan bible

Salmo 61

¹"Dengel mo pay ey-ey ko, O Dios; dengel mo pay pikakasik!

²"Diad inkaekalan koy ilalo nen arawi ak ed abung ko, ontatawag ak ed sika! Iyakar mo ak pad salimbengan ya arawid kaatapan,

³"ta sikay manangyagel ko, say mabiskeg a mangilaban ed siak ed saray kalaban ko.

⁴"Panayam mo ak pad santuariom legay pambilay ko; diad silong na saray payak mo anggapo komuy nasagmak kon maoges.

⁵"Nadngel mo ray sipan ko, O Dios, tan inter mod siak so tawir da ray mangigagalang ed sika.

⁶"Parokey mo pay bilay na ari; amayamay komuy taon a pambilay to!

⁷"Panoley mo pan anggad angga, O Dios, diad arap mo; iyagel mo pa diad panamegley na ag mangoman a panangarom tan inkatoor mo.

⁸"Diad ontan, ikantak lawas so pangidayew kod sika, diad inagew-agew a pangibagat koy insipan ko.