Read Pangasinan Salmo 62 Bible Online

Salmo 62 - Pangasinan bible

Salmo 62

¹"Aanosan kon aalagarey pangilaban na Dios ed siak; sikato labat so panmamatalkan ko.

²"Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

³"Kapigay itonda na idodogpa yon amin ed sakey a toon diad kapkapoy to et aliling toy ageban padir?

⁴"Labay yo labat ya iyabeban manlapud matalonggaring a kipapasen to; panliliketan yo ray tila. Mansasalita kayoy panamindision, balet isasamba yo ed dalem na kapusoan yo.

⁵"Say Dios labat so panmamatalkan ko; sikatoy paniilaloan ko.

⁶"Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

⁷"Walad Dios so kilalaban tan kagalangan ko; sikatoy mabiskeg a manangyagel ko; sikatoy salimbeng ko.

⁸"Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

⁹"Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

¹⁰Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

¹¹Aliwan amimpinsan a nadngel koy Dios ya imbaga to a kayaryan toy pakayari,

¹²tan ag mangoman so panangaro to. Sikan dili, O Katawan, so ontutumang ed balang sakey a too onung ed saray gawgawa to.