Read Pangasinan Salmo 63 Bible Online

Salmo 63 - Pangasinan bible

Salmo 63

¹"O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

²"Nanengneng ta ka komun ed santuario; ipanengneng mo pad siak so ontan lan pakayarim tan kagalangan mo.

³"Say ag mangoman a panangarom et magmaung ni nen say dilin bilay, kanyan idayew ta ka.

⁴"Misalamat ak ed sika leleg kon mambibilay; itagey ko ray limak a mampikasid sika.

⁵"Mampista so kamarerwak et napenek, tan ikantak iray magayagan kanta a pangidayew kod sika.

⁶"No mandokdokul ak nanununotan ta ka; nilabi-labi sikay walad isip ko,

⁷"ta sika lawas so ontutulong ed siak. Diad silong na saray payak mo mankanta ak lapud liket ko.

⁸"Ompepeket ak ed sika, et aampayaen ak na saray limam.

⁹"Saray walay getman mamatey ed siak napelag irad pasen a panaayaman da ray inaatey;

¹⁰Napatey irad bakal, tan buagen na saray asod katakelan iray bangkay da.

¹¹Manliket so ari lapud impanalo na Dios. Idayew day Dios iray mangisisipan ed ngaran to, balet napepetan so kasangiyan da ray matitila.