Read Pangasinan Salmo 69 Bible Online

Salmo 69 - Pangasinan bible

Salmo 69

¹"Ilaban mo ak pa, O Dios! Angga lad beklew koy danum;

²"onlelereg ak ed aralem a pitek tan anggapoy anawet a natoonan ko; wala ak ed aralem a danum, tan ngalngali ak la ipalner na saray daluyon.

³"Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

⁴"Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

⁵"O Dios, ag niamut ed sika ray kasalanan ko; amtam so kolokowan ko.

⁶"Ag mo pa iyaabuloy a siak so makasengeg na pakabaingan da ray manmamatalek ed sika, O Katawan a Dios a Makapanyarin-amin! Ag mo pa iyaabuloy a siak so makasengeg na pakapelagan dad kababaingan iray mangigagalang ed sika, O Dios na Israel!

⁷"Lapud sika alemlemew ak tan mapalaloy inkabaingan ko.

⁸"Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

⁹"Say panangarok ed Timplom et singa apoy a mamopool ed siak; siak so pepelagan da ray panagpabaing dad sika.

¹⁰Mampapaabeba ak diad panamegley na panaayunok, et lapud saya, papabaingan ak na totoo.

¹¹Mambabaliwan ak, et lapud saya, luludlureyen da ak.

¹²Tongtongtongen da ak ed tindaan, tan saray buanges et manggagawa ra na saray kanta a nipaakar ed siak.

¹³Balet siak, mampikasi ak ed sika, O Katawan; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

¹⁴Agwat mo ak pad pitek pian ag ak onlereg; iyagel mo ak pad saray kalaban ko, tan ipaliis mo ak pad aralem a danum.

¹⁵Ag mo pa iyaabuloy a nalipos ak ed delap; ag mo pa iyaabuloy a nalener ak ed aralem a danum, odino akmunen ak na lobuk.

¹⁶Ebatan mo ak pa, O Katawan, lapud kaabigay ag mangoman a panangarom; lingaw mo ak pa, lapud baleg a panangasim!

¹⁷Ag mo ak pa iyaamutan ya aripen mo; ebatan mo ak pa natan, ta ontan lay kagugunigon ko!

¹⁸Dago mo ak pa tan ilaban mo ak; iyagel mo ak pad saray kalaban ko.

¹⁹Kabat moy pakababaingan ko, say pakapepelag kod kababaingan tan pakaluludlurey ko; nanenengneng mo ray amin a kalaban ko.

²⁰Mapalaloy kaermenan ko lapud panagpabaing dad siak, tan nanaandian ak na ilalo. Nananap ak na mangasid siak, balet anggapo; nananap ak na manligliwad siak, balet anggapo.

²¹Nen narasan ak, initdan da ak na samal; nen napgaan ak na, initdan da ak na toka.

²²Saray ponsia ran baleg komuy pakaderalan da; saray masanton pista ra komun so pakataloan da!

²³Bolag mo pa ra, pian ag ira makanengneng; pakapoy mo pa lawas so balangbang da!

²⁴Idapom ed sikaray pasnuk mo; ipaterak mo pad sikaray petang na olom.

²⁵Nataynan tan napaolyan komun iray kampo ra; anggapo komuy natilak a mabilay ed saray tuldan panaayaman da!

²⁶Papairapen da ray dinudusam; sasalitaen da ray irirap da ray sinusugatan mo.

²⁷Ilistam pa ray amin a kasalanan da; ag mo pa ra pinanabangen ed panangilaban mo.

²⁸Naporak komun so kangaranan da ed libro na bilay; ag ira komun nibilang ed listaan da ray totoom.

²⁹Balet maniirap ak tan nasasakitan ak; agwat mo ak pa, O Dios, tan ilaban mo ak!

³⁰Idayew koy Dios diad panamegley na sakey a kanta; ibawag koy inkatalonggaring to diad pisalamat kod sikato.

³¹Lalon panliketan ya na Katawan nen say pangisaklang na baka, nen say pangibagat na bakan kalakyan a matakken la.

³²No nanengneng ya na saray napapairap, manggayaga ra; saray mangigagalang ed Dios et ombiskeg so linawa ra.

³³Dedengelen na Dios iray walad pankaukolan, tan ag to lilingwanan iray totoo tod prisowan.

³⁴Idayew yoy Dios, sikayon tawen tan dalin, amin a dayat tan saray pinalsan walad saraya;

³⁵Ilaban toy Jerusalem tan iletneg to lamet iray baley ed Juda. Manayam irad may totoo to tan kayaryanen day dalin;

³⁶saray kabyangay boleg na saray aripen to et tawiren day dalin, tan manayam irad may maarod sikato.