Read Pangasinan Salmo 96 Bible Online

Salmo 96 - Pangasinan bible

Salmo 96

¹"Kantaan yoy balon kanta so Katawan! Kantaan yoy Katawan, amin yon katoowan ed tapew na dalin!

²"Kantaan yoy Katawan, tan idayew yo! Ibawag yon inagew-agew so maung a balita ya inlaban to itayo.

³"Ibando yod saray bansa so kagalangan to, tan diad amin a katoowan iray makapakelaw a gawgawa to.

⁴"Matalonggaring so Katawan tan nepeg ya idaydayew; nepeg a lalon igalang nen saray amin a diriyos.

⁵"Talintao labat ya amin iray diriyos da ray arum a bansa, balet say Katawan pinalsa to ray katawenan.

⁶"Galang tan pakayari so walad kaliber-liber to; biskeg tan dakep so walad dalem na Timplo to.

⁷"Amin yon katoowan ed tapew na dalin, idayew yoy Katawan; idayew yoy kagalangan tan pakapanyari to.

⁸"Idayew yoy mapagalang a ngaray Katawan; mangawit kayoy bagat tan loob kayod Timplo to.

⁹"Dakmomo kayod arap na Masanton Katawan no omparontal, giwgiw kayod arap to, amin yon katoowan!

¹⁰Ibaga yod amin a bansa, Manaari so Katawan! Malet so inkiletneg na mundo tan ag balut natenyeg; matonung so panintinsia tod amin a katoowan.

¹¹Manliket kayo, sikayon dalin tan tawen! Ongul kan dayat tan amin a pinalsa a manaayam ed sika;

¹²manggayaga kayon kaalogan tan amin a pinalsan manaayam ed sikayo. Saray kakiewan mankanta ra ed liket diad arap na Katawan,

¹³no onsabiy Katawan a manoley ed sankamundoan. Maptek tan matonung so panoley tod amin a katoowan.